İrlandiya nümayəndə heyəti ilə görüş keçirilib

Aprelin 21-də Milli Məclisin İrlandiya ilə parlamentlərarası əlaqələr üzrə işçi qrupu üzvlərinin İrlandiya parlamentinin Azərbaycanla dostluq qrupunun üzvləri ilə görüşü olub.

Azərbaycan–İrlandiya parlamentlərarası əlaqələr üzrə işçi qrupunun rəhbəri Erkin Qədirli qonaqların ölkəmizə ilk səfərindən məmnunluğunu ifadə edib. O, bildirib ki, dövlətlərimiz arasında mövcud münasibətlər fonunda parlamentlərarası əlaqələr də dinamik şəkildə inkişaf edir. Qeyd olunub ki, hər iki ölkənin parlamentarilərinin qarşılıqlı səfərləri siyasi dialoqun dərinləşməsinə və əlaqələrimizin möhkəmlənməsinə mühüm töhfə verir.

Arzu Paşaqızı