Nazir: “Azərbaycan TDT çərçivəsində strateji əməkdaşlığa xüsusi önəm verir”
Azərbaycan Türk Dövlətləri Təşkilatı çərçivəsində strateji əməkdaşlığa xüsusi önəm verir.
“Turanın səsi” in xəbərinə görə, bunu xarici işlər naziri Ceyhun Bayramov dekabrın 28-də ilin yekunlarına dair mətbuat konfransında deyib.
O bildirib ki, 2023-cü ildə Azərbaycan təşkilatın sıra tədbirlərinə ev sahibliyi edib.
C.Bayramov söyləyib ki, bu il Azərbaycan İslam Əməkdaşlıq Təşkilatı çərçivəsində sahəvi əməkdaşlığın genişləndirilməsinə də töhfə verib: “İƏT-in Movritaniyada keçirilən konfransında Tehrandakı səfirliyimizə terror hücumu və digər məsələlərlə bağlı sənəd qəbul edilib”.
Onun sözlərinə görə, rəsmi Bakı Qoşulmama Hərəkatı çərçivəsində digər üzv dövlətlərlə məqsədyönlü işlər aparır.
Nazir bildirib ki, bir sıra tədbirlər, həyata keçirilmiş işlər buna nümunədir: “Azərbaycanda keçirilən zirvə görüşündə Bakı Bəyannaməsi qəbul olunub. Azərbaycanın sədrliyi dövründə bir sıra mühüm addımlar atılıb, işlər görülüb”.
⤵️
” TURANIN SƏSİ “_ ARZU PAŞAQIZI