Milli Məclisin deputatları Serbiyaya səfər edəcəklər
Milli Məclisin Azərbaycan-Serbiya parlamentlərarası əlaqələr üzrə işçi qrupunun rəhbəri Məlahət İbrahimqızı, qrupun üzvləri Jalə Əhmədova, Asim Mollazadə və Mahir Abbaszadə oktyabrın 24-də Serbiyanın paytaxtı Belqrad şəhərinə səfər edəcəklər.
Bu barədə ” Turanın səsi ” nə Milli Məclisin Mətbuat və ictimaiyyətlə əlaqələr şöbəsindən məlumat verilib
Səfər Serbiya Respublikası Milli Assambleyasının Azərbaycanla parlament dostluq qrupunun sədri Duşan Mariçin dəvəti ilə baş tutacaq.
Deputatlarımız Serbiya Milli Assambleyasında bir sıra görüşlər keçirəcək, parlamentlərarası əlaqələrin inkişafı, parlament dostluq qruplarının əməkdaşlığı, qanunvericilik sahəsində təcrübə və informasiya mübadiləsinə dair müzakirələr aparacaqlar.
Səfər oktyabrın 26-da başa çatacaq.
⤵️
” TURANIN SƏSİ “_ ARZU PAŞAQIZI