“Beynəlxalq təşkilatlar Naxçıvana quru yolun olmaması ilə bağlı niyə bəyanat vermir?!”

“30 ildir ki, Naxçıvanla quru sərhəd açıq deyil. Azərbaycanlıların Xankəndi-Laçın yolunda keçirdiyi aksiyaya qarşı qərəzli mövqedən çıxış edən beynəlxalq təşkilatlar niyə bir dəfə də olsun Naxçıvan məsələsi ilə bağlı bəyanat vermədi?! Hələ də bu günə qədər Naxçıvanla quru sərhəd yoxdur. Halbuki biz Şuşada dinc aksiya keçiririk ki, Azərbaycan ərazilərinnə qeyri-qanuni istismara son qoyulsun”.

“Turanın səsi ” xəbər verir ki, bu sözləri Milli Məclisin deputatı Ceyhun Məmmədov parlamentin dekabrın 23-də keçirilən plenar iclasında çıxışı zamanı deyib.

O qeyd edib ki, erməni tərəfi yenə də müxtəlif yalan çağırışlar səsləndirir:

“Azərbaycan həmin aksiyanı tam qanuni formada həyata keçirir. Aidiyyəti dövlət qurumlarının ölkə ərazisində monitorinqlərin keçirilməsinə şərait yaradılmalıdır. Etirazçıların aksiyada fəallıq nümayiş etdirməsi tam əsaslıdır. Bəzi özünü azərbaycanlı adlandırıb amma azərbaycançılıq marağlarına xidmət etməyən etməyənlər aksiya ilə bağlı müxtəlif paylaşımlar edib belə aksiyanın keçirilməsini lazımsız hesab edirlər.
Halbuki Vətən müharibəsində də gördük ki, qələbə birlik nəticəsində əldə edildi. Biz hamımız bir olmalı, Prezidentin ətrafında birləşməli, vahid mövqe nümayiş etdirməliyik. Çünki başqa cür yanaşma azərbaycanlılara yaraşmayan cəhətdir. Beynəlxalq hüquqa əsasən həmin yerlər bizim ərazimizdir. Ona görə də yataqların mövcud olduğu yerlərə nəzarət etməyə haqqımız var. Azərbaycanın aidiyyəti dövlət qurumlarının həmin yerlərə getməyin vaxtı çatıb. Bunun üçün də mütləq şərait yaradılmalıdır”.

⤵️

“TURANIN SƏSİ” Arzu Paşaqızı

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ

AŞAGIDAQEYD OLUNAN ƏLAQƏ NÖMRƏMİZİN

WhatsApp ÜNVANINA GÖNDƏRƏ BİLƏRSİNİZ

TEL : 051 777 82 09