Ukrayna Rusiyanın zenit raketləri istehsal edən zavodunu vurdu

Ukrayna “Flaminqo” raketi ilə Rusiyanın Kirov şəhərində yerləşən “AVİTEK” zavodunu vurub.

“turaninsesi.az ” xəbər verir ki, hücumdan sonra zavodda yanğın baş verib.

Ukrayna Müdafiə Nazirliyinin Baş Kəşfiyyat İdarəsinin məlumatına əsasən, müəssisə “yer-hava” sinifli idarəolunan zenit raketləri, raket-hədəflər, pilotların xilas edilməsi üçün katapult oturacaqları, aviasiya yükqaldırma sistemlərinin istehsalı üzrə ixtisaslaşıb. 

Bildirilir ki, zavod həmçinin “Tor” zenit-raket komplekslərinin istehsalı proqramında iştirak edir.

Məlumata görə, “AVİTEK” ABŞ, Ukrayna və bir sıra digər ölkələrin sanksiyaları altındadır.

Arzu Paşaqızı