Tramp sülh sazişinin anonsunu verdi
Donald Tramp avqustun 8-də Vaşinqtonda Azərbaycan və Ermənistan arasında sülh sazişinin imzalanmasının planlaşdırıldığını açıqlayıb.
“turaninsesi.az” xəbər verir ki, bu barədə o, “Truth” sosial şəbəkəsində yazıb.
Onun sözlərinə görə, o, hər iki ölkə liderlərinin “çərçivə sülh sazişi”nə həsr olunmuş mərasimi səbirsizliklə gözləyir.
Tramp qeyd edib ki, sabah Ağ Evdə Azərbaycan prezidenti İlham Əliyev və Ermənistanın baş naziri Nikol Paşinyanla çoxdan gözlənilən sülhə nail olmaq məqsədi daşıyan tarixi sammitdə iştirak edəcək.
Amerika prezidenti vurğulayıb ki, bu ölkələr arasında münaqişə uzun illərdir davam edib, minlərlə insanın həyatına son qoyub. İndiyə qədər müharibəni bitirmək üçün bir çox beynəlxalq cəhdlər uğursuz oldu.
Tramp xatırladıb ki, onun administrasiyası uzun müddətdir ki, hər iki tərəflə danışıqlar aparır. ABŞ hər iki ölkə ilə iqtisadi əməkdaşlığın genişləndirilməsinə yönəlmiş ikitərəfli sazişlər bağlayacaq.
“Bu, Ermənistan, Azərbaycan, ABŞ və bütün dünya üçün tarixi gün olacaq”, – Tramp vurğulayıb.
⤵️
” TURANIN SƏSİ “_ ARZU PAŞAQIZI