Dini qurumların rəhbərləri Şuşada görüşdü

Şuşa şəhərində keçirilən Türk Dövlətləri Təşkilatına üzv ölkələrin dini məsələlər üzrə dövlət qurumları rəhbərlərinin Birinci Görüşü başa çatıb.

“turaninsesi.az ” xəbər verir ki, görüşdə Dini Qurumlarla İş üzrə Dövlət Komitəsinin sədri Ramin Məmmədov, TDT-nin Baş katibi, səfir Kubanıçbek Ömüralıyev, Qazaxıstan Mədəniyyət və İnformasiya nazirinin müavini Rüstəm Əli, Qırğız Respublikası Prezidenti yanında Dini Məsələlər və Millətlərarası Münasibətlər üzrə Milli Agentliyin sədri Talantbek Taşibekov, Türkiyə Diyanət İşləri İdarəsinin sədri Safi Arpaquş və Özbəkistan Dini Məsələlər Komitəsinin sədri Sodik Toşboyev çıxış ediblər.

Tədbirin yekununda qurumlar arasında əməkdaşlığın institusional əsaslarını, gələcək birgə fəaliyyət istiqamətlərini özündə əks etdirən 11 bənddən ibarət Kommünike imzalanıb.

Sonda növbəti görüşün 2027-ci ildə Qazaxıstanda keçirilməsi ilə bağlı qərar qəbul olunub.

Arzu Paşaqızı