Milli Məclisin Təbii ehtiyatlar, energetika və ekologiya komitəsində Zimbabve parlament nümayəndə heyəti ilə görüş keçirilib

İyulun 6-da Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov və komitənin üzvləri Zimbabve Respublikası Milli Assambleyasının sədri Yakob Fransis Nzvidamilimo Mudendanın rəhbərlik etdiyi nümayəndə heyəti ilə görüşüblər.

Görüş zamanı bildirilib ki, Azərbaycan ilə Zimbabve arasında münasibətlər qarşılıqlı hörmətə, bərabərhüquqlu tərəfdaşlığa, dövlətlərin suverenliyinə, ərazi bütövlüyünə və beynəlxalq hüququn fundamental prinsiplərinə əsaslanır. Vurğulanıb ki, iki ölkə arasında siyasi dialoqun inkişafı, parlamentlərarası əməkdaşlığın genişlənməsi və qarşılıqlı səfərlər ikitərəfli münasibətlərin daha da möhkəmlənməsinə mühüm töhfə verir.

Arzu Paşaqızı