Almaniya Bundestaqının nümayəndə heyəti Milli Məclisdə olub

Aprelin 29-da Milli Məclisin sədr müavini Musa Qasımlı ölkəmizdə səfərdə olan Almaniya Bundestaqının Cənubi Qafqaz üzrə işçi qrupunun rəhbəri Mirze Edisin başçılıq etdiyi nümayəndə heyəti ilə görüşüb.

Görüşdə vitse-spiker Musa Qasımlı Almaniyanın bizim üçün dost ölkə olduğunu, xalqlarımız arasında əlaqələrin dərin tarixi köklərə malik olduğunu deyib. Qeyd edib ki, Azərbaycan dövləti ölkəmizdə alman tarixi və mədəni irsinə böyük hörmətlə yanaşır, onun qorunub saxlanılmasını təmin edir. O, Azərbaycan Prezidentinin 2016-ci ildə Cənubi Qafqaz regionunda alman məskənlərinin salınmasının 200 illiyi haqqında Sərəncam imzaladığını vurğulayaraq, bunun alman xalqına hörmət və diqqətin bariz nümunəsi olduğunu bildirib.

Arzu Paşaqızı