Şoyqu: “Ukrayna cəbhənin müxtəlif istiqamətlərində çoxdan vəd etdiyi hücuma başlayıb”

“Ukrayna son üç gün ərzində cəbhənin müxtəlif istiqamətlərində çoxdan vəd etdiyi hücuma başlamağa cəhd etsə də, heç bir istiqamətdə uğur qazana bilməyib və xeyli itki verib”.

“Turanın səsi ”  TASS-a istinadən xəbər verir ki, bu barədə Rusiyanın müdafiə naziri Sergey Şoyqu bildirib.

“Ukrayna iyunun 4-ü 300 hərbçi, 16 tank, 26 zirehli döyüş maşını və 14 avtomobil itirib”, – o bildirib.

Şoyqunun sözlərinə görə, iyunun 5-də Ukrayna tərəfi 5 briqada ilə 7 istiqamətdə hücuma cəhd edib. “Hücumun qarşısı alınıb. Qarşı tərəf 1600-dən çox hərbi qulluqçu, 28 tank, o cümlədən 8 Leopard və 3 AMX-10 təkərli tankı, 136 digər hərbi texnika, o cümlədən 79 xarici hərbi texnika itirib”, – nazir vurğulayıb.

Şoyqunun sözlərinə görə, Ukrayna Silahlı Qüvvələri son üç gün ərzində bütün istiqamətlərdə 3715 hərbçi və 52 tank itirib.