Hərbçilərimiz Qarsadadır – “Qış təlimi – 2025”də iştirak edirlər
Türkiyənin Qars şəhərində keçirilən beynəlxalq “Qış təlimi – 2025”də hərbi qulluqçularımız da iştirak edir.
“turaninsesi.az” xəbər verir ki, bu barədə Azərbaycan Müdafiə Nazirliyindən bildirilib.
Müxtəlif ölkələrdən 12 mindən çox hərbi qulluqçunun iştirak etdiyi təlimdə əməliyyatlar zamanı bölmələrlə qarşılıqlı əlaqənin təmin edilməsi, döyüş vərdişlərinin yoxlanılması, atəşin idarə olunması, həmçinin axtarış-xilasetmə tədbirləri və döyüş təminatı üzrə fəaliyyətlər həyata keçirilir.
Təlimin ssenarisinə uyğun olaraq, artilleriya qurğuları, zirehli texnika, döyüş təyyarələri və helikopterlərdən qeyri-qanuni silahlı birləşmələrin sığınacaqları, texnikası və canlı qüvvəsinin məhv edilməsi üzrə tapşırıqlar yerinə yetirilib.
Çətin hava şəraitində təyyarələrdən endirilən taktiki hava desantı qrupları dağlıq ərazidə döyüş tətbiqi üzrə tapşırıqları icra ediblər.
⤵️
” TURANIN SƏSİ “_ ARZU PAŞAQIZI