709 azərbaycanlı ABŞ-dən deportasiya olunacaq

ABŞ-nin Miqrasiya və Gömrük Xidmətinin (ICE) 2024-cü ilin noyabrında tərtib etdiyi deportasiya olunacaq şəxslərin siyahısına 709 Azərbaycan vətəndaşı da daxil edilib.

“turaninsesi.az” xəbər verir ki, bu barədə report “Fox News”ə təqdim edilmiş ICE sənədinə istinadən məlumat yayıb.

Məlumata görə, siyahıya ABŞ-də olan 1,4 milyon qeyri-qanuni mmiqrant daxildir. Ədliyyə Nazirliyinin miqrasiya məhkəməsi tərəfindən onların deportasiyası barədə qərar qəbul edilib. Lakin onlar hələ də ABŞ-dədirlər və həbsdə deyillər.

ABŞ-da ən çox qeyri-qanuni miqrant Braziliya – 38,677; Çin – 37,908; Haiti – 32,363; və Venesueladan (22,749) olub.