“Barselona”dan möhtəşəm geridönüş

UEFA Çempionlar Liqasının 7-ci turu çərçivəsində “Barselona” səfərdə “Benfika”nın qonağı olub. Kataloniyalıların möhtəşəm qələbəsi ilə yekunlaşan matçda qapılara 9 qol vurulub.

“turaninsesi.az” xarici mediaya istinadən xəbər verir ki, meydan sahibləri ilk 30 dəqiqə ərzində Pavlidisin xettriki ilə 3-1 önə keçib və ilk hissə bu hesabla yekunlaşıb. 65-ci dəqiqədə “Barselona” Rafinyanın qolu ilə fərqi azaltsa da, 68-də Araxonun avtoqolu fərqi yenidən artırıb. Bu dəqiqədən sonra Levandovski (77), Erik Qarsiya (87) və Rafinya (90+6) ilə 3 top vuran “Barselona” 4-2 geriyə düşdüyü qarşılaşmadan 5-4 hesablı qələbə ilə ayrılıb.

Bu nəticə ilə “Barselona” xallarının sayını 18-ə yüksəldib. “Benfika” isə 10 xalda qalıb.