AZAL-ın qəzaya uğrayan təyyarəsinin “qara qutusu” TAPILDI

Qazaxıstanın Aktau şəhərində qəzaya uğrayan “Azərbaycan Hava Yolları” QSC-yə məxsus təyyarənin “qara qutusu” tapılıb.

“turaninsesi.az” xəbər verir ki, bu barədə Qazaxıstanın Nəqliyyat Prokurorluğunun nümayəndəsi Timur Süleymanov məlumat verib.

Xatırladaq ki, bu gün Bakı-Qroznı marşrutu üzrə uçan “Embraer 190” sərnişin təyyarəsi Aktaunun hava limanından 3 km məsafədə qəzaya uğrayıb. Qəza nəticəsində təyyarənin göyərtəsində olan 67 nəfərdən 38-i həlak olub, 29 yaralı var.