UEFA-dan “Qarabağ”a 2 oyunluq cəza

UEFA “Qarabağ”ın məşqçisi Çudomir Çakarovu 2 oyunluq cəzalandırıb.

“turaninsesi.az” xəbər verir ki, buna səbəb 47 yaşlı mütəxəssisin Bakıda “Ayaks”a uduzduqları (0:3) oyunda qırmızı vərəqə almasıdır.

FIFA referisi Nikolas Uolş fasilədə Bolqarıstandan məşqçiyə qırmızı vərəqə göstərib.

O, Avropa Liqasında qarşıdakı 2 matçda texniki zonada əyləşə bilməyəcək.

Bundan əlavə, həmin qarşılaşmada birbaşa qırmızı vərəqə görən Julio Romao və ikinci sarı vərəqədən sonra meydandan qovulan Elvin Cəfərquliyev hərəyə bir oyunluq cəzalandırılıblar.