Milli Məclisdə görüş

Aprelin 29-da Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Avropa Parlamentinin Nəqliyyat və turizm komitəsinin üzvü Tomaş Piotr Porebanı qəbul edib.

Bu barədə ” Turanın səsi ” nə Milli Məclisin Mətbuat və ictimaiyyətlə əlaqələr şöbəsindən məlumat verilib

Dünyada və regionda cərəyan edən proseslər barədə danışan Səməd Seyidov Azərbaycan Respublikasının Prezidenti cənab İlham Əliyevin bu günlərdə Almaniya Federativ Respublikasına baş tutmuş işgüzar səfərinin müsbət nəticələri barədə fikirlər səsləndirib, bu səfəri Azərbaycanın regionda və bütün dünyada artan nüfuzunun bariz nümunəsi adlandırıb.
Söhbət zamanı komitə sədri Cənubi Qafqaz regionunun aparıcı ölkəsi kimi Azərbaycanın zəngin iqtisadi potensialı barədə danışıb, ölkəmizin unikal coğrafi mövqeyinin Avropa və Asiyanı birləşdirən mühüm körpü rolunu oynadığını bildirib. Azərbaycanın Mərkəzi Asiyanın resurslarla zəngin regionlarını Avropanın sənaye mərkəzləri ilə əlaqələndirəcəyinə dair perspektivlərdən söz açan komitə sədri diqqətə çatdırıb ki, gələcəkdə regionun bütün ölkələri bu nəqliyyat platformasından faydalana biləcəklər.

⤵️
” TURANIN SƏSİ “_ ARZU PAŞAQIZI