Əmək və sosial siyasət komitəsinin iclasında
Aprelin 26-da Milli Məclisin Əmək və sosial siyasət komitəsinin növbəti iclası keçirilib. Komitənin sədri Musa Quliyev gündəliyə 3 məsələnin daxil edildiyini, hər üç məsələdə təklif olunan dəyişikliklərin uyğunlaşdırma xarakteri daşıdığını söyləyib.
Bu barədə ” Turanın səsi ” nə Milli Məclisin Mətbuat və ictimaiyyətlə əlaqələr şöbəsindən məlumat verilib
Əvvəlcə, komitə sədri “Azərbaycan Respublikasının İnsan hüquqları üzrə müvəkkili (ombudsman) haqqında” Azərbaycan Respublikasının Konstitusiya Qanununda dəyişiklik edilməsi barədə” Azərbaycan Respublikasının 2023-cü il 9 iyun tarixli 900-VIKQD nömrəli Konstitusiya Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi haqqında qanun layihəsini təqdim edib.
Musa Quliyev ölkə Prezidenti tərəfindən qanunvericilik təşəbbüsü qaydasında parlamentə təqdim edilmiş layihədə ümumilikdə 3 məcəllədə və 5 qanunda dəyişikliklərin edildiyini deyib və komitənin səlahiyyət dairəsinə aid olan “Əlilliyi olan şəxslərin hüquqları haqqında” Qanuna təklif olunan dəyişiklikləri diqqətə çatdırıb.
⤵️
” TURANIN SƏSİ “_ ARZU PAŞAQIZI