DİN-in Mətbuat Xidmətindən verilən məlumatlar (08.01.2024)
❗Yanvarın 7-də ölkə ərazisində qeydə alınan 62, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.
*
3Axtarışda olduğuna görə ümumilikdə 24, o cümlədən borclu şəxs qismində axtarışda olan 20 nəfər saxlanılaraq aidiyyəti üzrə təhvil verilib.
*
Narkotiklərlə əlaqəli 26, qanunsuz saxlanılan silah-sursatın götürülməsi və aşkarlanması ilə bağlı 43 fakt müəyyən edilib.
*
Cinayət törətməkdə şübhəli bilinən 38 nəfər saxlanılıb.
*
❗Şirvan Şəhər Polis Şöbəsinə şəhər ərazisində müxtəlif növ silah-sursat tapılması barədə məlumat daxil olub.
Daxili İşlər Nazirliyinin Mətbuat Xidmətinin Şirvan regional qrupundan “Turanın səsi ” nə verilən məlumata görə, şöbə əməkdaşları tərəfindən həmin əraziyə keçirilən baxış zamanı oradan 1 ədəd avtomat, 1 ədəd daraq və 23 ədəd patron aşkarlanaraq götürülüb.
Faktlarla bağlı araşdırmalar aparılır.
*
❗Masallı sakinlərindən 1 kiloqrama yaxın narkotik vasitə aşkarlanıb.
DİN-in Mətbuat Xidmətinin Lənkəran regional qrupundan “Turanın səsi ” nə verilən məlumata görə, Masallı Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini E.Əliyev saxlanılıb. Şəxsi axtarış zamanı ondan yarım kiloqrama yaxın marixuana aşkarlanaraq götürülüb.
Şöbə əməkdaşlarının Masallı şəhəri ərazisində keçirdikləri digər əməliyyat zamanı isə rayon sakini İ.Əlizadə saxlanılıb. Həmin şəxsdən 450 qram marixuana aşkarlanaraq götürülüb.
Faktlarla bağlı Masallı RPŞ-də araşdırma aparılır.
*
❗Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Yanvarın 7-də polis əməkdaşları paytaxt və respublikanın ayrı-ayrı rayonlarında 3 ədəd avtomat, 24 ədəd müxtəlif markalı tüfəng, 5 patron darağı və 245 ədəd müxtəlif çaplı patron təhvil götürüblər.
*
❗Yanvarın 7-də polis əməkdaşlarının keçirdikləri əməliyyat tədbirləri ilə qanunsuz saxlanılan 1 ədəd avtomat, 1 ədəd tapança, 1 ədəd patron darağı, 19 ədəd müxtəlif markalı tüfəng və 19 ədəd müxtəlif çaplı patron aşkar edilərək götürülüb.
*
❗Polis əməkdaşlarının yanvarın 7-də respublika ərazisində keçirdikləri əməliyyat tədbirləri nəticəsində ümumi çəkisi 35 kiloqram olan narkotik vasitə, həmçinin 335 ədəd güclü təsiredici və narkoitk tərkibli həb aşkar olunaraq götürülüb.
Qanunsuz dövriyyədən çıxarılan narkotik vasitələr – 777 qram heroin, 34 kiloqram 142 qram marixuana, 43 qram tiryək, 36 qram metamfetamin, həmçinin 205 ədəd metadon və 130 ədəd narkotik tərkibli həb olub.
Bu istiqamətdə qətiyyətli mübarizə tədbirləri davam etdirilir.
*
❗ Yanvarın 8-də saat 10 radələrində Şirvan şəhərində 1950-ci il təvəllüdlü Şərifov Allahverdi Şərif oğlunun kəsimiş-deşimiş xəsarətlərdən ölməsi barədə polisə məlumat daxil olub.
DİN-in mətbuat xidmətinin regional qrupundan bildirilib ki, polis əməkdaşları tərəfindən cinayət əməlini törətməkdə şübhəli bilinən, onun oğlu 1979-cu il təvəllüdlü Şərifov Seymur Allahverdi oğlu saxlanılıb.
Araşdırma aparılır.
*
❗Sumqayıt Şəhər Polis İdarəsi əməkdaşlarının keçirdikləri tədbirlərlə şəhər sakini Niyaməddin Adıgözəlov saxlanılıb. Ondan heroin aşkar olunub.
Davam etdirilən tədbirlərlə onun İnşaatçılar qəsəbəsində yaşadığı mənzilə baxış zamanı oradan metamfetamin, həmçinin orada olan 3 qadından isə heroin, metamfetamin və metadon həbi aşkar olunaraq götürülüb.
Araşdırma aparılır.
*
❗Bakı Şəhər Baş Polis İdarəsi əməkdaşlarının keçirdikləri tədbirlərlə paytaxt sakini olan bir nəfərin bank kartından hesabındakı 245 manat pulunu oğurlamaqda şübhəli bilinən Şirvan şəhər sakini olan 2 qadın müəyyən olunaraq saxlanılıb.
Araşdırma aparılır.
*
❗Nizami RPİ 23-cü Polis Bölməsi əməkdaşlarının keçirdikləri tədbirlərlə saxlanılan Lerik rayon sakini, əvvəllər narkotiklərlə əlaqəli cinayətə görə məhkum olunmuş Qafur Kərimovdan tüfəng və 13 ədəd patron aşkar olunaraq götürülüb.
Araşdırma aparılır.
*
❗Samux Rayon Polis Şöbəsi əməkdaşlarının keçirdikləri tədbirlərlə Çobanabdallı kənd sakini, əvvəllər məhkum olunmuş Valəddin Məmmədovdan 1 ədəd avtomat darağı, 4 ədəd patron, həmçinin Əhmədbəyli kəndi ərazisində gizlətdiyi 1 ədəd nömrəsi silinmiş “AK-74” markalı avtomat silah aşkar olunaraq götürülüb.
Araşdırma aparılır.
*
❗Qaradağ RPİ 10-cu Polis Şöbəsi əməkdaşlarının keçirdikləri tədbirlərlə yanvarın 2-də Lökbatan qəsəbəsi ərazisində “DAF” markalı yük avtomobilindən 2 ədəd akkumulyator oğurlamaqda şübhəli bilinən Bakı şəhər sakini Q.Əhmədov saxlanılıb.
Araşdırma aparılır.
*
❗Yanvarın 4-də Xətai rayonu ərazisində 1400 manat dəyərində qaynaq aparatının oğurlanması barədə polisə məlumat daxil olub.
Xətai RPİ 35-ci Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən Masallı rayon sakini, əvvəllər məhkum olunmuş E.Vəliyev saxlanılıb.
Araşdırma aparılır.
*
❗Gəncə Şəhər Baş Polis İdarəsinin 2-ci Polis Şöbəsi əməkdaşlarının keçirdikləri tədbirlərlə şəhər ərazisində “VAZ” markalı avtomobildən 1600 manat dəyərində maqnitofon və səsgücləndirici oğurlamaqda şübhəli bilinən Gəncə sakini M.Məmmədzadə saxlanılıb.
Araşdırma aparılır.
*
❗Nizami rayonunda aptekdən dərman alan şəxsin 100 manatını soyğunçuluq yolu ilə əlindən alan şəxs polislər tərəfindən saxlanılıb
Nizami Rayon Polis İdarəsinin 25-ci Polis Şöbəsinə paytaxt sakini olan bir nəfər müraciət edərək bildirib ki, rayon ərazisindəki apteklərdən birindən dərman alan zaman tanımadığı şəxs onun pul kisəsində olan 100 manatı soyğunçuluq yolu ilə əlindən alaraq hadisə yerindən qaçıb. Şöbə əməkdaşları tərəfindən həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən əvvəllər məhkum olunmuş 1988-ci il təvəllüdlü Kamil Dadaşov saxlanılıb. Həmin şəxsin üzərindən şəxsi istifadəsi üçün əldə etdiyi narkotik maddə heroin də aşkar olunaraq götürülüb. Soyğunçuluq edən şəxsin qanunsuz hərəkətləri aptekdə quraşdırılan kameralar vasitəsi ilə də qeydə alınıb.
Faktla bağlı 25-ci PŞ-də toplanan materiallar araşdırmaların davam etdirilməsi üçün Nizami RPİ-nin İstintaq Şöbəsinə göndərilib. Saxlanılan şəxsin qanunsuz əməllərindən zərərçəkən başqa vətəndaşlar varsa polis orqanlarına müraciət edə bilərlər.
*
❗Füzuli rayonunda daha bir odlu silah polisə təhvil verilib
DİN-in Mətbuat Xidmətinin Bərdə regional qrupundan verilən məlumata görə, Füzuli Rayon Polis Şöbəsinin əməkdaşları tərəfindən odlu silah-sursatın aşkar edilərək götürülməsi və ya könüllü təhvil verilməsinin təmin olunması istiqamətində tədbirlər davam etdirilir. Keçirilən növbəti tədbir zamanı rayon sakini tapdığı ov silahını polis əməkdaşlarına könüllü olaraq təhvil verib. Bu istiqamətdə tədbirlər davam edtirilir.
*
❗Şamaxı rayon sakinindən avtomat götürülüb
Şamaxı Rayon Polis Şöbəsinin əməkdaşları tərəfindən həyata keçirilən əməliyyat tədbiri nəticəsində qanunsuz odlu silah-sursat saxlayan şəxs saxlanılıb.
Daxili İşlər Nazirliyinin mətbuat xidmətinin Şəki regional qrupundan ” Turanın səsi ” nə verilən məlumata görə, keçirilmiş tədbirlərlə əvvəllər də məhkum olunmuş şəhər sakini Elçin Qəribov saxlanılıb. Onun yaşadığı ünvana baxış keçirilən zaman 1 ədəd “Kalaşnikov” markalı avtomat, 14 ədəd patron və daraq aşkar edilərək götürülüb.
Faktla bağlı Şamaxı Rayon Polis Şöbəsində cinayət işi başlanılıb, E.Qəribov barəsində məhkəmənin qərarı ilə həbs qətimkan tədbiri seçilib.
*
Sabirabad Rayon Polis Şöbəsinin əməkdaşları tərəfindən qanunsuz saxlanılan silah-sursatın aşkarlanaraq götürülməsi istiqamətində nəzarət-profilaktiki tədbirlər davam etdirilir.
Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, keçirilən müvafiq tədbirlər nəticəsində ötən gün ərzində 14 nəfər rayon sakinindən müvafiq sənədləri olmayan müxtəlif marka və kalibrli ov tüfəngləri aşkar edilərək götürülüb.
Son bir həftə ərzində isə polis şöbəsinin əməkdaşları tərəfindən bu istiqamətdə keçirilən tədbirlər zamanı rayon sakinlərindən 5-i könüllü olmaqla ümumilikdə 27 odlu silah təhvil götürülüb.
Faktlarla bağlı Sabirabad RPŞ-də a
Araşdırmalar davam etdirilir.
⤵️
” TURANIN SƏSİ “_ ARZU PAŞAQIZI