DİN-in Mətbuat xidmətindən verilən məlumatlar (22.12.2023)
Dekabrın 21-də ölkə ərazisində qeydə alınan 60, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.
*
Axtarışda olduğuna görə ümumilikdə 92, o cümlədən borclu şəxs qismində axtarışda olan 65 nəfər saxlanılaraq aidiyyəti üzrə təhvil verilib.
*
Narkotiklərlə əlaqəli 28, qanunsuz saxlanılan silah-sursatın götürülməsi və aşkarlanması ilə bağlı 16 fakt müəyyən edilib.
*
Cinayət törətməkdə şübhəli bilinən 50 nəfər saxlanılıb.
*
❗Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Dekabrın 21-də polis əməkdaşları paytaxt və respublikanın ayrı-ayrı rayonlarında 1 ədəd avtomat və 11 ədəd müxtəlif markalı tüfəng təhvil götürüblər.
*
❗Dekabrın 21-də polis əməkdaşlarının keçirdikləri əməliyyat tədbirləri ilə qanunsuz saxlanılan 4 ədəd qumbara, 1 ədəd tapança, 1 ədəd patron darağı, 1 tüfəng və 8 ədəd patron aşkar edilərək götürülüb.
*
❗Nəqliyyat vasitəsinin qaçırılması
Dekabrın 21-də gecə saatlarında Xətai rayonu ərazisində yerləşən avtoyuma məntəqələrinin birindən “Mercedes” markalı avtomobilin qaçırılması barədə polisə məlumat daxil olub.
Xətai RPİ 35-ci Polis Bölməsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən paytaxt sakini Rafiq İsmayılov saxlanılıb.
Xətai Rayon Polis İdarəsində araşdırma aparılır.
*
❗Qaradağ rayonunun Lökbatan qəsəbəsi ərazisindən “VAZ-2102” markalı avtomobilin qaçırılması barədə daxil olan məlumatla əlaqədar polis əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən Şirvan şəhər sakini Ceyhun Hacıyev dekabrın 21-də Şirvan şəhəri ərazisində saxlanılıb.
Araşdırma aparılır.
*
❗Quldurluq
Dekabrın 21-də səhər saatlarında Sumqayıt şəhəri ərazisində “Toyota” markalı avtomobildə sərnişinin sürücünü aldadaraq 47 manat, daha sonra quldurluq yolu ilə 100 manat pulunu talaması barədə polisə məlumat daxil olub.
Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə quldurluq əməlində şübhəli bilinən şəhər sakini, əvvəllər narkotiklərlə əlaqəli cinayətə görə məhkum olunmuş Rəşad Rəsulov müəyyən olunaraq saxlanılıb.
Sumqayıt Şəhər Polis İdarəsində araşdırma aparılır.
*
❗Dekabrın 21-də gecə saat 4 radələrində Sulutəpə qəsəbəsi ərazisində yerləşən marketlərin birindən Binəqədi Rayon Mühafizə İdarəsinə həyəcan siqnalı daxil olub.
Dərhal polis əməkdaşları həmin ünvana gəlib və satıcıya 1 ədəd 100 manatlıq saxta əsginas verilməsi məlum olub.
Əməli törətməkdə şübhəli bilinən Bakı şəhər sakini Baxşı Quliyev saxlanılaraq 40-cı Polis Bölməsinə təhvil verilib.
Araşdırma aparılır.
*
❗Oğurluq
Nərimanov RPİ 18-ci Polis Şöbəsi əməkdaşlarının keçirdikləri tədbirlərlə dekabrın 13-də rayon ərazisində yerləşən oyun zalında bir nəfərin içərisində 1400 manatı, sənəd və bank kartları olan pulqabısını oğurlamaqda şübhəli bilinən Bakı şəhər sakini Azər Mahmudov saxlanılıb.
Araşdırma aparılır.
*
❗Suraxanı RPİ 33-cü Polis Bölməsi əməkdaşlarının keçirdikləri tədbirlərlə Bakı şəhər sakini Mirbağır Fərəcov saxlanılıb. Ondan 540 qram metamfetamin və 52 qrama yaxın marixuana aşkar olunaraq götürülüb.
Araşdırma aparılır.
*
❗Oğurluq
Xətai rayonu ərazisində yerləşən avtoservislərin birindən avtobus mühərrikinin gövdəsinin oğurlanması barədə polisə məlumat daxil olub.
Xətai RPİ 34-cü Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən paytaxt sakinləri Firdovsi Əliyev və Seymur Xəlilov saxlanılıblar.
S.Xəlilovdan heroin aşkar olunaraq götürülüb.
Faktla bağlı cinayət işi başlanılıb.
*
❗Xətai RPİ 36-cı Polis Şöbəsi əməkdaşlarının keçirdikləri tədbirlərlə rayon ərazisindəki köşklərin birindən 1230 manat dəyərində tütün məmulatları və lotereya biletləri oğurlamaqda şübhəli bilinən paytaxt sakini Elnur Əliyev müəyyən olunaraq saxlanılıb.
Faktla bağlı cinayət işi başlanılıb.
*
❗Sərxoş vəziyyətdə və sürücülük hüquq olmadan nəqliyyat vasitəsi idarə edən şəxs inzibati qaydada həbs olunub
Dekabrın 18-də saat 23 radələrində Abşeron rayonunun Sulutəpə qəsəbəsi ərazisində “VAZ-21061” markalı avtomobil Baş Dövlət Yol Polisi İdarəsinin əməkdasları tərəfindən nəzarət qaydasında saxlanılıb.
Sürücü Ağsu rayon sakini Qafqaz İmaməliyevin sərxoş vəziyyətdə və sürücülük hüquq olmadan nəqliyyat vasitəsini idarə etməsi müəyyən olunduğundan barəsində protokol tərtib edilib.
Məhkəmənin qərarı ilə o, 5 gün müddətinə inzibati qaydada həbs olunub.
*
❗Bakıda bulvar ərazisində gəzinti qayığının batması ilə bağlı daxil olan məlumat üzrə DİN-in Su Nəqliyyatında Polis İdarəsinin əməkdaşları xilasetmə tədbirlərinə cəlb ediliblər.
DİN-in mətbuat xidmətindən bildirilib ki, polis əməkdaşları batma təhlükəsinə məruz qalan şəxsləri müvafiq dövlət qurumunun əməkdaşları ilə birgə xilas ediblər.
*
❗Ələt-Astara yolunun kənarından “Kalaşnikov” avtomatı aşkarlanıb.
Biləsuvar rayonunun Xırmandalı kəndi ərazisində silah tapılması barədə polisə məlumat daxil olub.
DİN-in Mətbuat Xidmətinin Lənkəran regional qrupundan “Turanın səsi ” nə verilən məlumata görə, Biləsuvar Rayon Polis Şöbəsinin əməkdaşları tərəfindən sözügedən əraziyə keçirilən baxış zamanı oradan 1 ədəd “Kalaşnikov” avtomatı aşkarlanaraq götürülüb.
Bundan əlavə, şöbə əməkdaşları tərəfindən qanunsuz saxlanılan odlu silahların aşkarlanaraq götürülməsi və könüllü təhvil verilməsi istiqamətində aparılan profilaktiki tədbirlər nəticəsində isə rayon sakinlərindən könüllü olaraq təqdim edilən 9 ədəd müvafiq sənədləri olmayan ov silahı təhvil götürülüb.
Bu istiqamətdə tədbirlər davam etdirilir.
*
❗Oğuz rayon sakinləri odlu silahları polisə könüllü təhvil veriblər
Qanunsuz saxlanılan odlu silahların könüllü təhvil verilməsi ilə bağlı polis əməkdaşları tərəfindən profilaktik tədbirlər davam etdirilir.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, Oğuz Rayon Polis Şöbəsinin əməkdaşlarının keçirdikləri tədbirlər nəticəsində rayon sakinləri 1-i yivli “TOZ-8” markalı olmaqla qanunsuz saxladıqları 2 ov tüfəngini könüllü olaraq təhvil veriblər.
⤵️
” TURANIN SƏSİ “_ ARZU PAŞAQIZI