Ələt-Astara-İran dövlət sərhədi avtomobil yolunda ölümlə nəticələnən ağır yol-nəqliyyat hadisəsi baş verib

Bu gün saat 16:00 radələrində Ələt-Astara-İran dövlət sərhədi avtomobil yolunun Salyan rayonu ərazisindən keçən 54-cü kilometrliyində ölümlə nəticələnən ağır yol-nəqliyyat hadisəsi baş verib.

Bu barədə “Turanın səsi” nə Daxili İşlər Nazirliyinin mətbuat xidmətindən bildirilib .

Belə ki, Həsənov İbrahim Əkbər oğlunun idarə etdiyi “Mercedes” markalı, 04-BJ-781 dövlət qeydiyyat nişanlı marşrut xətti üzrə hərəkət edən sərnişin avtomobili ilə Hacıyev Murad Adil oğlunun idarə etdiyi “Howo” markalı, 77-DT-640 dövlət qeydiyyat nişanlı yük avtomobili toqquşub.

Qəza nəticəsində “Mercedes” markalı avtomobildə olan Salyan rayon sakini 2008-ci il təvəllüdlü Məlikzadə Fərid Xaliq oğlu ağır xəsarətlərlə xəstəxanaya yerləşdirilib, lakin onun həyatını xilas etmək mümkün olmayıb. Hazırda faktla bağlı araşdırma aparılır.

⤵️
” TURANIN SƏSİ “_ ARZU PAŞAQIZI