Rusiya büdcə kəsirinin maliyyələşdirilməsinə Milli Rifah Fondundan pul ayıracaq

Rusiyanın büdcə kəsirinin maliyyələşdirilməsi üçün Milli Rifah Fondundan 1 trilyon rubl (16,25 milyard ABŞ dolları) ayrılacaq.

“Turanın səsi” xarici mətbuata istinadən xəbər verir ki, bununla bağlı Rusiyanın Baş naziri Mixail Mişustin qərar imzalayıb.

Qeyd edək ki, sentyabrda Milli Rifah Fondunun ehtiyatları 1 trilyon rubl azalaraq oktyabrın 1-nə 10,8 trilyon rubl təşkil edib.

Qərbin sanksiyaları ilə Rusiya büdcəsində qarşıdakı 3 il ərzində kəsir olacağı gözlənilir.