Braziliya Prezidenti BMT-ni Qvatemalada çevriliş riski barədə xəbərdarlıq edib
Braziliya Prezidenti Luis İnasiu Lula da Silva Birləşmiş Millətlər Təşkilatında dünya liderlərinə Qvatemalada çevriliş ehtimalı ilə bağlı xəbərdarlıq edərək ötən ABŞ-nin ay keçirilən seçkilərdən sonra Mərkəzi Amerika ölkəsində demokratiya üçün risklərlə bağlı narahatlığını təkrarlayıb.
“Turanın səsi ” “Reuters”ə istinadən xəbər verir ki, bu barədə Braziliya Prezidenti BMT-nin Baş Assambleyasında çıxış edərkən söyləyib.
“Qvatemalada demokratik seçkilərin qalibinin inauqurasiyasına mane olacaq çevriliş riski var”, – siyasətçi diqqətə çatdırıb.
Keçən həftə Qvatemaladakı ali prokurorluq seçki məntəqələrində reyd keçirib və seçilmiş prezident Bernardo Arevalo və onun Semilla Partiyasının üstün olduğu möhürlənmiş bülletenləri açıb. Prokurorlar səsvermə öncəsi Semilla üzvlərinin qeydiyyatında pozuntuların olduğunu iddia edir, partiya bunu təkzib edir.
ABŞ-nin Amerika Dövlətləri Təşkilatındakı səfiri Fransisko Mora bazar ertəsi Qvatemala hakimiyyətini seçki komissiyalarını və Arevalonun partiyasının üzvlərini hədəf alan “təhdid cəhdlərinə” son qoymağa çağırıb.
Mora basqını “qanunun aliliyinə hücum” adlandırıb.
Qvatemala prezidenti Alexandro Cammattei çərşənbə axşamı BMT-dəki çıxışında seçki prosesinə “gərəksiz xarici müdaxiləni” tənqid edib və hakimiyyətin ötürülməsinə sadiqliyini təkrarlayıb.
“Bu gün bu tribunadan eşitdiyimiz həqiqətin çatışmazlığına baxmayaraq, konstitusiya mandatım başa çatdıqda, yanvarın 14-də Qvatemala xalqının suveren əksəriyyətinin iradəsi ilə seçilən şəxsə hakimiyyəti təhvil verəcəyəm”, – Cammattei deyib.
Arevalo keçən həftə “zəruri institusional və siyasi şərait bərpa olunana qədər” hakimiyyətin keçidində iştirakını dayandırıb.
Lulanın Qvatemala ilə bağlı fikirləri ABŞ ilə heç də həmişə yola getməyən bir lider üçün təəccüblü şəkildə Vaşinqtonla üst-üstə düşüb.
BMT-dəki nitqində o, hökumətinin ABŞ-nin Kubaya tətbiq etdiyi ticarət embarqosuna qarşı çıxmasını davam etdirəcəyini söyləyib.
Dövlət başçısı həmçinin kasıb ölkələri təmsil etmədiyi üçün Beynəlxalq Valyuta Fondunu və dünyada artan proteksionizmin qarşısını almadığına görə Dünya Ticarət Təşkilatını tənqid edib.