Bakıda yanğın zamanı yanacaqdaşıyan avtomobil partlayıb
Bakı şəhəri, Xətai rayonu, Aşıq Qurban küçəsi yaxınlığında açıq ərazidəki yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən tam söndürülüb.
Bu barədə “Turanın səsi ” nə Fövqəladə Hallar Nazirliyindən məlumat verilib.
Yanğınsöndürənlərin fəkadarlığı və peşəkarlığı sayəsində yanğının ərazidəki yüksək gərginlikli hava elektrik xətləri, yanacaq çənləri parkı, neft və qaz boru kəmərləri və yaşayış evlərinə keçməsinə, böyük fəsadların yaranmasına imkan verilməyib.
16.30
Bakı şəhəri, Xətai rayonu, Aşıq Qurban küçəsi yaxınlığında açıq ərazidəki yanğın məhdudlaşdırılıb.
“Turanın səsi ” xəbər verir ki, bunu jurnalistlərə açıqlamasında Dövlət Yanğından Mühafizə Xidmətinin rəisi, general Hikmət Abbasov deyib.
Onun sözlərinə görə, hazırda soyutma işləri davam etdirilir.
Xidmət rəisi bildirib ki, yanğının tam söndürülməsi istiqamətində işlər aparılır.
16.25
Bakı şəhəri, Xətai rayonu, Aşıq Qurban küçəsi yaxınlığında açıq ərazidəki yanğınla mübarizə tədbirləri davam etdirilir.
Bu barədə ” Turanın səsi ” nə Fövqəladə Hallar Nazirliyindən (FHN) məlumat verilib.
Ərazidə yüksək gərginlikli hava elektrik xətləri, yanacaq çənləri parkı, neft boru kəmərləri və yaşayış evləri üçün yaranmış təhlükə havanın küləkli olmasına baxmayaraq Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən həyata keçirilmiş zəruri və təxirəsalınmaz tədbirlər sayəsində aradan qaldırılıb.
Hazırda yanğının söndürülməsi istiqamətində əməliyyat davam etdirilir.
15.42
Bakı şəhəri, Xətai rayonu, Aşıq Qurban küçəsi yaxınlığında açıq ərazidə yanğınsöndürmə işləri davam edir.
” Turanın səsi ” xəbər verir ki, hadisə yerinə Dövlət Yanğından Mühafizə Xidmətinin rəisi Hikmət Abbasov da gəlib.
14:50
Bakı şəhəri, Xətai rayonu, Aşıq Qurban küçəsi yaxınlığında açıq ərazi yanır.
Fövqəladə Hallar Nazirliyindən “Turanın səsi ” nə bildirilib ki, Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğınsöndürmə işləri həyata keçirilir.
Əlavə məlumat veriləcək.
⤵️
” TURANIN SƏSİ “_ ARZU PAŞAQIZI