Konfrans Liqası: “Sabah” növbəti mərhələyə vəsiqə qazanıb

“Sabah” UEFA Konfrans Liqasında III təsnifat mərhələsinə yüksəlib.

“Turanın səsi ” in məlumatına görə, Bakı klubu buna II raundun cavab oyununda Bakıda Latviyanın RFŞ komandasını 2:1 hesabı ilə məğlub etməklə nail olub. İlk qarşılaşmada rəqibinə 2 cavabsız qolla qalib gələn Murad Musayevin baş məşqçi olduğu kollektiv iki görüşün nəticəsinə əsasən adını növbəti mərhələyə yazdırıb.

Cavab oyununun ilk hissəsində qapılara top vurulmayıb. Əvəzində 34-cü dəqiqədə qonaqların hücumçusu Andrey İliç ikinci sarı vərəqəni alaraq meydandan qovulub.

Hesab isə 67-ci dəqiqədə açılıb. Yanus İkauniyeks qonaqları önə çıxarıb. Buna baxmayaraq, “Sabah” məğlubiyyətdən xilas ola bilib. Cəmi 10 dəqiqə sonra fərqlənən Coy Lens Mikels tarazlığı bərpa edib. 90+4-cü dəqiqədə isə Emanuel Apeh yekun hesabı müəyyənləşdirib.

Qeyd edək ki, “Sabah” III təsnifat mərhələsində Serbiya “Partizan”ı ilə qarşılaşacaq. Bu raundun oyunları 10-17 avqustda keçiriləcək.

21:38

Bakıda “Sabah” və Latviyanın RFŞ kollektivləri arasında keçirilən UEFA Konfrans Liqasının II təsnifat mərhələsinin cavab oyununda 2-ci qol vurulub.

“Turanın səsi ” in məlumatına görə, Bakı klubunun hücumçusu Coy Lens Mikels 77-ci dəqiqədə hesabı bərabərləşdirib.

21:28

Bakıda “Sabah” və Latviyanın RFŞ kollektivləri arasında keçirilən UEFA Konfrans Liqasının II təsnifat mərhələsinin cavab oyununda hesab açılıb.

“Turanın səsi ” in məlumatına görə, 67-ci dəqiqədə fərqlənən Yanus İkauniyeks qonaqları önə çıxarıb.

21:06

Bakıda “Sabah” və Latviyanın RFŞ kollektivləri arasında keçirilən UEFA Konfrans Liqasının II təsnifat mərhələsinin cavab oyununda ikinci hissə başlayıb.

“Turanın səsi ” in məlumatına görə, hələlik qarşılaşmada hesab açılmayıb.

20:49

Bakıda “Sabah” və Latviyanın RFŞ kollektivləri arasında keçirilən UEFA Konfrans Liqasının II təsnifat mərhələsinin cavab oyununda ilk hissə başa çatıb.

“Turanın səsi ” in məlumatına görə, komandalar fasiləyə qolsuz heç-heçə ilə yollanıblar.

34-cü dəqiqədə qonaqlar azlıqda qalıblar. Andrey İliç ikinci sarı vərəqəni alaraq meydandan qovulub.

20:00

Bakıda “Sabah” və Latviyanın RFŞ komandaları arasında UEFA Konfrans Liqasının II təsnifat mərhələsinin cavab oyunu start götürüb.

“Turanın səsi ” in məlumatına görə, “Bank Respublika Arena”da keçirilən qarşılaşma saat 20:00-da başlayıb.

Görüşü isveçrəli FİFA referisi Fedayi San idarə edir.

Qeyd edək ki, ilk matçda “Sabah” 2:0 hesablı qələbə qazanıb.

18:55

Bakıda UEFA Konfrans Liqasının II təsnifat mərhələsinin cavab oyununda üz-üzə gələcək “Sabah” və Latviyanın RFŞ klublarının start heyətləri açıqlanıb.

“Turanın səsi ”  Avropa futbol qurumunun rəsmi saytına istinadən xəbər verir ki, komandalar meydana aşağıdakı “11-lik”lərlə çıxacaqlar:

“Sabah”: 1. Yusif İmanov, 2. Amin Seydiyev, 3. Con İrasabal, 4. Elvin Camalov, 7. Boyan Letiç, 10. Aleksey İsayev, 12. Vinsent Till, 15. Kristian da Silva, 18. Davit Volkov, 20. Coy Lens Mikels, 44. Sofian Çakla
Ehtiyat oyunçular: 16. Rustam Samiqullin, 55. Nicat Mehbalıyev, 5. Rəhman Daşdəmirov, 6. Şakir Seyidov, 9. Anatoli Nuriyev, 17. Tellur Mütəllimov, 19. Emmanuel Apeh, 21. İldar Alekperov, 24. Maruan Hadudi, 27. Jarl Marqarita, 29. Ceyhun Nuriyev, 77. Namik Ələskərov
Baş məşqçi: Murad Musayev

RFŞ: 13 Yevgeni Neruqal, 3. Artur Zyuzin, 9. Yanus İkauniyeks, 10. Emerson, 11. Roberts Savaļniyeks. 19. Andrey İliç, 23. Herdi Prenqa, 25. Pyotr Mareş, 27. Adam Marxiyev, 43. Jiqa Lipuşçek, 52. Martsis Oş
Ehtiyat oyunçular: 1. Pavel Şteynbor, 16. Sergey Vilkovs, 2. Vladislav Sorokin, 7. İsmael Diomande, 8. Daniels Ontujans, 17. Sedrik Kuadio, 18. Dmitri Zelenkov, 22 Darko Lemayiç, 70. Draqolyub Saviç, 92. Vitali Yaqodinski, 99. Qleb Zaleyko
Baş məşqçi: Viktor Moroz

Qeyd edək ki, bu gün Masazırdakı “Bank Respublika Arena”da keçiriləcək görüş saat 20:00-da başlayacaq.