Xoşqədəmlə Doğuş boşanır
Türkiyə mediası aparıcı Xoşqədəm Hidayətqızı ilə müğənni Doğuşun ayrıldığını yazıb.
“Turanın səsi ” xəbər verir ki, yazıda cütlüyün boşanma qərarı aldığı iddia edilib.
Bildirilib ki, 9 il əvvəl nikah masasına oturan cütlük bir müddət əvvəl bu qərarı alıb. Doğuş Xoşqədəmlə olan bütün fotolarını instaqramından silib. Eyni zamanda onu izləmədən çıxarıb. Yazıda ayrılığa Doğuşun Xoşqədəmin ailəsi ilə yaşadığı mübahisənin səbəb olduğu iddia edilib.
Qeyd edək ki, Xoşqədəm və Doğuş cütlüyünün əkiz oğulları var.
Xatırladaq ki, cütlük birlikdə “Günaydın, Azərbaycan” verilişini aparır. Ötən həftəsonu isə Xoşqədəm proqrama tək çıxıb.
