Adanada meşə yanğınları başlayıb

Türkiyənin Adana bölgəsinin Çukurova rayonunda meşədə yanğın başlayıb.

“Turanın səsi ” xəbər verir ki, əraziyə yanğınsöndürənlər cəlb edilib.

Məlumata görə, yanğın yerli vaxtla saat 16:30 radələrində naməlum səbəbdən baş verib.

Ətrafdakı insanların verdiyi məlumatlar əsasında Meşə Region İdarəsinə aid helikopterlər və çoxlu sayda su çiləyiciləri bölgəyə sövq edilib. Ekipajlar alova nəzarət etmək üçün havadan və qurudan işlərini davam etdirir.

Yanğınla bağlı araşdırmalara başlanılıb.

Qeyd edək ki, bu gün Muğlanın Marmaris rayonunda da meşə yanğını baş verib. Yanğının söndürülməsi üçün havadan və yerdən müdaxilələrə başlanılıb.