Tovuz rayonundan gələn 6 şəhid ailəsi qonağımız oldu.

Tovuz rayonundan gələn 6 şəhid ailəsi qonağımız oldu. Qəhrəmanlarımızın ailələri ilə görüşərək, onları maraqlandıran məsələlər ətrafında geniş fikir mübadiləsi apardıq. Şəhid ailələrinin və qazilərin bütün qayğıları Prezident İlham Əliyevin və Birinci xanım Mehriban Əliyevanın diqqət mərkəzindədir. Dövlət başçısı şəhid ailələrinin və qazilərin çətinliklərinin həlli, sosial rifah hallarının daha da yaxşılaşdırılması məqsədilə aidiyyəti üzrə tapşırıqlar verib. Eyni zamanda hər birimiz qəhrəmanlarımızın ailələrinə yüksək həssaslıqla yanaşmalı, xüsusi ehtiram göstərməliyik, bu hər birimizin vətəndaşlıq borcudur. Məhz qəhrəmanlarımızın şücaəti, qorxmazlığı hesabına bu gün tarixi torpaqlarımız azaddır.