“Qarabağ”ın futbolçusu 2022-ci ildə dünyanın bombardirləri siyahısına düşüb
Azərbaycan millisinin futbolçusu Ramil Şeydayev Beynəlxalq Futbol Tarixi və Statistikaları Federasiyasının (IFFHS) açıqladığı 2022-ci ildə dünyanın bombardirləri sırasına düşüb.
“Turanın səsi” xəbər verir ki, “Qarabağ”ın hücumçusu il ərzində vurduğu 25 qolla 67 nəfərlik siyahının 55-ci pilləsində qərarlaşıb.
Onunla birlikdə daha 14 oyunçunun aktivində 25 top var. Şeydayev bu qollardan 18-ni Premyer Liqada, 4-nü ölkə kubokunda, 1-ni avrokuboklarda, 2-ni isə yığmanın heyətində vurub.
Cədvələ Fransa millisinin və PSJ klubunun hücumçusu Kilian Mbappe başçılıq edir. 24 yaşlı forvard ümumilikdə 56 oyuna çıxıb, eyni sayda fərqlənib. Mbappe ən yaxın izləyicisi olan norveçli Erlinq Haland və braziliyalı Berqsonu 10 qol qabaqlayıb.
Qətərdə keçirilən dünya çempionatında kuboku qazanan Argentina millisinin kapitanı Lionel Messi 35 qolla 11-ci sırada yer alıb. “Qızıl top”un sahibi fransalı Kərim Benzema aktivinə 33 top yazdırıb ki, bu, onun 16-cı pillədə qərarlaşması ilə nəticələnib.
İlk “10-luq”:
| Yer | Futbolçu | Klubu | Ölkəsi | Qollar | Cəmi | |||
| ML | ÖK | BKT | MK | |||||
| 1 | Kilian Mbappe | PSJ | Fransa | 32 | 3 | 9 | 12 | 56 |
| 2 | Erlinq Haland | “Borussiya” D. (Almaniya), “Mançester Siti” (İngiltərə) | Norveç | 30 | 2 | 5 | 9 | 46 |
| 3 | Berqson | “Djoxor” (Malayziya) | Braziliya | 29 | 11 | 6 | 46 | |
| 4 | German Kano | “Fluminense” (Braziliya) | Argentina | 33 | 5 | 6 | 44 | |
| 5 | Robert Levandovski | “Bavariya” (Almaniya), “Barselona” (İspaniya) | Polşa | 29 | 9 | 4 | 42 | |
| 6 | Boris Kopitoviç | “Tampins Rovers” (Sinqapur) | Monteneqro | 35 | 5 | 1 | 41 | |
| 7 | Mehdi Taremi | “Porto” (Portuqaliya) | İran | 21 | 7 | 6 | 5 | 39 |
| 8 | Tiaqo Azulyao | “Petro de Luanda” (Anqola) | Braziliya | 25 | 4 | 10 | 39 | |
| 9 | Kodai Tanaka | “Albireks Niiqata” (Sinqapur) | Yaponiya | 33 | 6 | 39 | ||
| 10 | Kristofer Nkunku | “Leypsiq” (Almaniya) | Fransa | 25 | 5 |
Qeyd: ML (milli liqa), ÖK (ölkə kuboku), BKT (beynəlxalq klub turniləri), MK (milli komanda)
⤵️
“TURANIN SƏSİ” Arzu Paşaqızı
BİZİMLƏ ƏLAQƏ SAXLAYIN
ŞAHİDİ OLDUGUNUZ HADİSƏLƏRİ AŞAGIDA
QEYD OLUNAN ƏLAQƏ NÖMRƏMİZİN WhatsApp
ÜNVANINA GÖNDƏRƏ BİLƏRSİNİZ
TEL : 051 777 82 09