Xələf Xələfov Tehrandadır

Azərbaycan prezidentinin xüsusi tapşırıqlar üzrə nümayəndəsi Xələf Xələfov Tehrana gedib.

“Turanın səsi ” xəbər verir ki, o, İranın yüksək səviyyəli hakimiyyət orqanları ilə ikitərəfli münasibətlər, eləcə də regional hadisələrlə bağlı danışıqlar aparacaq.

Sentyabrın sonunda Xələfov İranın Bakıdakı səfiri Abbas Musəvi ilə görüşüb və danışıqlar aparıb.

İran Xarici İşlər Nazirliyinin sözçüsü Naser Kənani Bazar ertəsi keçirdiyi həftəlik mətbuat konfransında deyib ki, İranın gündəliyinə Bakı ilə əlaqələrlə bağlı bir sıra məsələlər, o cümlədən Azərbaycanın Tehrandakı səfirliyinin yenidən açılması məsələsi var.