Türkiyənin Gəncədəki yeni Baş konsulu fəaliyyətə başlayıb
Türkiyənin Gəncə şəhərinə yeni təyin olunmuş Baş konsulu Recep Öztop fəaliyyətə başlayıb.
“Turanın səsi” in xəbərinə görə, Gəncə Şəhər İcra Hakimiyyətinin başçısı Niyazi Bayramov R.Öztopla görüşüb.
O, Baş konsula Gəncənin tarixi, mədəniyyəti və iqtisadiyyatı barədə ətraflı məlumat verib. İcra başçısı Türkiyənin Gəncədəki Baş konsulluğu ilə sıx əməkdaşlıq əlaqələrinin olduğunu, daim qardaş ölkənin yaxın dəstəyini hiss etdiyimizi qeyd edərək bu münasibətlərin bundan sonra da yüksələn xətt üzrə davam edəcəyinə əmin olduğunu bildirib.
R.Öztop Türkiyə ilə Azərbaycan arasındakı qardaşlığın ən gözəl nümunələrindən olan Gəncə şəhərində xidmətə başladığı üçün qürur duyduğunu söyləyib. O, daha əvvəl Türkiyənin Naxçıvan Muxtar Respublikasındakı Baş konsulluğunda xidmət etdiyini xatırladıb və bu coğrafiyada olmaqdan məmnunluğunu vurğulayıb.
Baş konsul bu günədək Gəncə şəhərində həyata keçirilən tədbir və layihələrin bundan sonra da davam etdiriləcəyini bildirib.
⁶
Diplomata məlumat verilib ki, Prezident İlham Əliyevin müvafiq Sərəncamı ilə 2023-cü il ölkəmizdə “Heydər Əliyev İli” elan edilib. Bu baxımdan il ərzində Gəncə şəhərində həyata keçiriləcək tədbirlərdən danışılıb.
Görüşdə şəhərdə reallaşdırılan bir sıra infrastruktur layihələri barədə məlumat verilib, perspektivdə olan bir sıra məsələlər müzakirə olunub.
⤵️
“TURANIN SƏSİ” Arzu Paşaqızı
BİZİMLƏ ƏLAQƏ SAXLAYIN
ŞAHİDİ OLDUGUNUZ HADİSƏLƏRİ AŞAGIDA
QEYD OLUNAN ƏLAQƏ NÖMRƏMİZİN WhatsApp
ÜNVANINA GÖNDƏRƏ BİLƏRSİNİZ
TEL : 051 777 82 09