BMT rəsmisi Ermənistan və Azərbaycan arasındakı vəziyyətdən danışıb

“Ermənistan və Azərbaycan ətrafındakı vəziyyətlə bağlı davam edən diplomatik səylər irəliləyiş üçün ümid işığı yaradır”.

“Turanın səsi” in xəbərinə görə BMT Baş katibinin sözçüsü Stefan Düjarrik brifinqdə bildirib.

O əlavə edib ki, BMT baş katibinin köməkçisi Miroslav Yença ötən gün BMT Təhlükəsizlik Şurasının iclasında çıxışı zamanı bu barədə deyib:

“Ötən gün BMT baş katibinin köməkçisi Miroslav Yença üzv dövlətlərə Cənubi Qafqazda baş verən proseslər, xüsusilə Ermənistan və Azərbaycan arasındakı vəziyyət barədə məlumat verib. Onun sözlərinə görə, sentyabrın ortalarında iki ölkə arasında yenidən alovlanan gərginlikdən sonra davam edən diplomatik səylər irəliləyiş üçün ümid işığı yaradır”.

Qeyd edək ki, Ermənistanın təklifi ilə dekabrın 20-də BMT Təhlükəsizlik Şurasının iclası keçirilib. İclasda Azərbaycan-Ermənistan münasibətləri müzakirə olunub. BMT baş katibinin köməkçisi Miroslav Yença iclasındakı çıxışında Bakı və İrəvanı 10 noyabr 2020-ci il tarixli atəşkəs sazişi üzrə üçtərəfli Bəyanatın öhdəliklərini yerinə yetirməyə çağırıb.

Xatırladaq ki, Azərbaycan Xarici İşlər Nazirliyi də dekabrın 20-də BMT Təhlükəsizlik Şurasında (TŞ) Laçın yolundakı vəziyyətlə bağlı aparılan müzakirələrə münasibət bildirib.

⤵️

“TURANIN SƏSİ” Arzu Paşaqızı

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ AŞAGIDA

QEYD OLUNAN ƏLAQƏ NÖMRƏMİZİN WhatsApp

ÜNVANINA GÖNDƏRƏ BİLƏRSİNİZ

TEL : 051 777 82 09