Yeni Günəşlidə maşın polis bölməsinə çırpıldı

Sosial şəbəkələrdə yayılan məlumata görə, Bakıda avtomobil polis bölməsinin hasarına çırpılıb.

“turaninsesi.az” xəbər verir ki, hadisə bu gün səhər Yeni Günəşli qəsəbəsində qeydə alınıb.

Avtomobilin kirayə götürüldüyü və yüksək sürətlə idarə olunduğu qeyd edilib. Nəqliyyat vasitəsi əvvəlcə 3-4 avtomobili vurub, daha sonra isə 33-cü polis bölməsinin divarına çırpılıb.

Bakı Şəhər Dövlət Yol Polisi İdarəsinin bölmə rəisi Toğrul Nəsirli bildirib ki, hadisəyə səbəb sürücünün idarəetməni itirməsi olub.

Faktla bağlı araşdırma aparılır.