Şəhid Məhəmməd Qarayev Qəbələdə dəfn olunacaq

Mayın 12-də axşam saatlarında Ermənistan silahlı qüvvələrinin təxribatı nəticəsində şəhid olan Azərbaycan Ordusunun hərbi qulluqçusu Qarayev Məhəmməd Mahir oğlu Qəbələ şəhər sakinidir.

“Turanın səsi ” Şimal-qərb bürosunun məlumatına görə, o, bu gün Qəbələ şəhərində dəfn ediləcək. 

2001-ci il təvəllüdlü M.Qarayev evin tək oğlu və ali təhsilli olub.

O, hərbi xidmətinin bitməsinə 49 gün qalmış şəhidlik zirvəsinə ucalıb.