Azərbaycanda zəlzələ nəticəsində dəmir yolu infrastrukturuna ziyan dəyməyib

Bu gecə saat 00:01-də Xəzər dənizində baş vermiş zəlzələdən dərhal sonra dəmir yolu infrastrukturuna operativ baxış keçirən “Azərbaycan Dəmir Yolları” QSC-nin Fövqəladə Hallar Komissiyası öz işini yekunlaşdırıb.

“Turanın səsi ” səhmdar cəmiyyətinə istinadən xəbər verir ki, aparılan yoxlamalara əsasən zəlzələ nəticəsində yol infrastrukturuna ziyan dəyməyib.

Hazırda yük və sərnişin qatarları qrafik üzrə hərəkətlərini davam etdirirlər.