Nəsib Məhəməliyev seçiciləri ilə görüşləri davam etdirir (Şambul kəndi)

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 110 saylı Balakən seçki dairəsindən deputatlığa namizədliyi irəli sürülmüş Nəsib Məhəməliyevin Balakən rayonu, Şambul kəndinin seçiciləri ilə görüş keçirdi.
Görüşü giriş sözü ilə açan YAP Balakən rayon təşkilatının sədr müavini Qurban Qaraisayev YAP-ın keçdiyi şərəfli yoldan söhbət açıb. Əsası Ulu Öndər Heydər Əliyev tərəfindən qoyulmuş siyasəti Prezident İlham Əliyevin uğurla davam etdirməsi nəticəsində ölkəmizin tarixi nailiyyətlərə imza atdığı vurğulanıb, bu uğurların zirvəsində möhtəşəm Zəfərimizin dayandığı qeyd olunub.
O, qələbələrin davamı naminə seçiciləri parlament seçkilərində YAP-ın namizədini dəstəkləməyə çağırıb.

Çıxış edən təbliğat-təşviqat qrupunun üzvlərindən Maqsud Bazarov,Xanım Zurnayeva,partiya veteranı Ömər Zurnayev,kənd sakini İlham Ağcayev kənd sakinləri seçkidə iştirak etməyə,səs verməyə,öz namizədini dəstəkləməyə çağırdılar.Əlavətən kəndin problemlərini də dilə gətirdilər.Seçiləcəyinə inandıqları namizəddən səsləndirdikləri problemlərin həllində Şambullulara köməklik etməsini xahiş etdilər.
Yeni Azərbaycan Partiyası (YAP) tərəfindən 110 saylı Balakən seçki dairəsindən deputatlığa namizədliyi irəli sürülmüş Nəsib Məhəməliyev çıxışında əvvəlcə YAP-ın seçki platforması haqqında geniş və ətraflı məlumat verdi. Qeyd etdi ki, əsası Ulu Öndər Heydər Əliyev tərəfindən qoyulan YAP 32 ilə yaxın müddətdə Azərbaycanın siyasi səhnəsindədir və ölkənin hərtərəfli inkişafı üçün üzərinə götürdüyü bütün missiyaları mükəmməl şəkildə yerinə yetirməkdədir.
Nəsib Məhəməliyev əlavə edib ki,əgər mən seçilməsən nə Azərbaycan, nə də YAP çox şey itirməz amma Yeni Azərbaycan Partiyası qazanmasa Azərbaycan çox şey itirər.. Prezident İlham Əliyevin rəhbərliyi ilə YAP bundan sonra da qələbələr partiyası statusunu qoruyacaq, yeni nailiyyətlərə imza atacaq.