Bakıda Zəfər yürüşü keçirilir
8 Noyabr – Zəfər Günü münasibətilə hərbi orkestrlərin müşayiəti ilə Bakıda hərbçilərin Zəfər yürüşü keçirilir.
“turaninsesi.az” xəbər verir ki, əvvəlcə şəhidlərin xatirəsi 1 dəqiqəlik sükutla yad edilib. Sonra hərbi orkestrlər Azərbaycanın dövlət himnini səsləndirib. Daha sonra hərbçilərin yürüşü başlayıb.
Xatırladaq ki, Zəfər Günü Prezident, Silahlı Qüvvələrin Ali Baş Komandanı İlham Əliyevin 2020-ci il dekabrın 3-də imzaladığı sərəncamla təsis edilib.