Milli Məclisin İnsan hüquqları komitəsinin videokonfrans formatında iclası keçirilib

İnsan hüquqları komitəsinin iclasında
Dekabrın 6-da Milli Məclisin İnsan hüquqları komitəsinin videokonfrans formatında iclası keçirilib.

Bu barədə ” turaninsesi.az“-a  Milli Məclisin Mətbuat və ictimaiyyətlə əlaqələr şöbəsindən məlumat verilib

İclası açan İnsan hüquqları komitəsinin sədri Zahid Oruc diqqətə çatdırıb ki, gündəliyə 4 məsələ daxil edilib. Əvvəlcə “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamənin təsdiq edilməsi barədə” Azərbaycan Respublikasının Qanununda dəyişiklik edilməsi haqqında Qanun layihəsinə (birinci oxunuş) baxılıb. Qanun layihəsi barədə məlumat verən Komitə sədri bildirib ki, dəyişikliklər yetkinlik yaşına çatmayanların işləri və hüquqlarının müdafiəsi üzrə komissiyaların təşkilini və fəaliyyətini təkmilləşdirməyi, həmçinin bu sahədə görülən işlərin səmərəliliyini artırmağı hədəfləyir. Bildirilib ki, layihəyə əsasən “yetkinlik yaşına çatmayan” ifadəsi “uşaq” ifadəsi ilə əvəz edilir, komissiyanın işlərinin icrası və nəzarəti üçün müvafiq katibliyin vəzifələri müəyyənləşdirilir. Dəyişikliklər, həmçinin bir sıra dəqiqləşdirmə və uyğunlaşdırmaları nəzərdə tutur.

⤵️
” TURANIN SƏSİ “_ ARZU PAŞAQIZI