DİN Mətbuat Xidmətinin məlumatı
Bərdə regional qrupundan bildirilib ki, Daxili İşlər Nazirliyinin bir hərbi qulluqçusu işğaldan azad edilmiş ərazidə xidmətdə olarkən piyada əleyhinə minaya düşüb və partlayış nəticəsində xəsarət alıb.
Xəsarət almış hərbi qulluqçu dərhal xəstəxanaya yerləşdirilib.
DİN-in “Turanın səsi” nə Mətbuat Xidmətindən verilən məlumata görə,
- Noyabrın 5-də və 6-da ölkə ərazisində qeydə alınan 97, əvvəlki dövrlərdən bağlı qalan 18 cinayətin açılması daxili işlər orqanlarının əməkdaşları tərəfindən təmin olunub.
- Axtarışda olduğuna görə ümumilikdə 68, o cümlədən borclu şəxs qismində axtarışda olan 47 nəfər saxlanılaraq aidiyyəti üzrə təhvil verilib.
- Respublikanın avtomobil yollarında ölümlə nəticələnən 1 yol-nəqliyyat hadisəsi baş verib, nəticədə 2 nəfər ölüb.
- Narkotiklərlə əlaqəli 44 , qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib.
- Cinayət törətməkdə şübhəli bilinən 78 nəfər saxlanılıb.
Noyabrın 6-da saat 8 radələrində Sabirabad rayonunun Şəhriyar kəndi ərazisində Beyləqan rayon sakini Elman Vəlizadə idarə etdiyi “Mercedes” markalı avtomobili su kanalına aşırıb. Nəticədə sürücü və sərnişini, Ağcabədi rayon sakini Məhbubə Nəsirova suda boğularaq ölüblər.
Baş İstintaq və Təhqiqat İdarəsi tərəfindən araşdırma aparılır.