DİN-in mətbuat xidmətinin məlumatı

• Oktyabrın 7-də ölkə ərazisində qeydə alınan 62, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.
• Axtarışda olduğuna görə ümumilikdə 60, o cümlədən borclu şəxs qismində axtarışda olan 43 nəfər saxlanılaraq aidiyyəti üzrə təhvil verilib.
• Respublikanın avtomobil yollarında ölümlə nəticələnən 2 yol-nəqliyyat hadisəsi baş verib, nəticədə 2 nəfər ölüb.
• Narkotiklərlə əlaqəli 33, qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib.
• Cinayət törətməkdə şübhəli bilinən 64 nəfər saxlanılıb.
• 
  Oktyabrın 7-də saat 20 radələrində Gəncə şəhəri ərazisində şəhər sakini Y.Salmanov idarə etdiyi “VAZ-21214” markalı avtomobillə yolu keçən həmyerlisi Nəhayət Bayramovanı vurub. Nəticədə xəstəxanaya yerləşdirilən piyada orada ölüb.
• 
  Gəncə Şəhər Baş Polis İdarəsində araşdırma aparılır.Oktyabrın 8-də saat 1 radələrində Şabran rayonunun Dəvəçikənd kəndi ərazisində rayon sakini O.Əlicanov idarə etdiyi “Mercedes” markalı avtomoibllə yolu keçən 40-45 yaşlı kişini vurub və nəticədə həmin şəxs hadisə yerində ölüb.
  Baş İstintaq və Təhqiqat İdarəsi tərəfindən araşdırma aparılır.
  
  Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində A.Kunanbayev küçəsindəki mənzillərin birindən 10.000 manat, 15.000 ABŞ dolları və 10.000 manat dəyərində qızıl-zinət əşyaları oğurlamaqda şübhəli bilinən Füzuli rayon sakini Fərid Nəbiyev müəyyən olunaraq saxlanılıb. Araşdırma aparılır.

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində M.Ə.Rəsulzadə qəsəbəsindəki evlərin birindən 500 manat pul və içərisində 890 manat dəyərində geyim əşyaları və telefon aksesuarları olan çantanı oğurlamaqda şübhəli bilinən Balakən rayon sakini N.Gəncəliyeva saxlanılıb. Araşdırma aparılır.

Sabunçu RPİ 12-ci Polis Şöbəsi əməkdaşlarının keçirdikləri əməliyyat tədbirləri nəticəsində M.Ə.Sabir küçəsində yerləşən, içərisində 5405 manat olan “Milli Ön” ödəmə terminalını oğurlamaqda şübhəli bilinən Bakı şəhər sakinləri Roman Abbasov və Saleh Nağızadə müəyyən olunaraq saxlanılıblar. Araşdırma aparılır.

Yasamal RPİ 28-ci Polis Bölməsi əməkdaşlarının keçirdikləri əməliyyat tədbiri nəticəsində oktyabrın 3-nə keçən gecə Ş.Mehdiyev küçəsində “Hyundai” markalı bir avtomobildən 31.500 manat oğurlamaqda şübhəli bilinən paytaxt sakini Fərid Həsənov müəyyən olunaraq saxlanılıb. Araşdırma aparılır.