DİN-in mətbuat xidmətindən verilən məlumatlar(03.05.2023)

Mayın 2-də ölkə ərazisində qeydə alınan 49, əvvəlki dövrlərdən bağlı qalan 22 cinayətin açılması daxili işlər orqanlarının əməkdaşları tərəfindən təmin olunub.

Bu barədə “Turanın səsi” nə Daxili İşlər Nazirliyinin mətbuat xidmətindən bildirilib .

X X X

Axtarışda olduğuna görə ümumilikdə 87, o cümlədən borclu şəxs qismində axtarışda olan 62 nəfər saxlanılaraq aidiyyəti üzrə təhvil verilib.

X X X

Narkotiklərlə əlaqəli 24, qanunsuz saxlanılan silah-sursatın götürülməsi və aşkarlanması ilə bağlı 10 fakt müəyyən edilib.

X X X

Cinayət törətməkdə şübhəli bilinən 40 nəfər saxlanılıb.

X X X

Abşeron Rayon Polis İdarəsi əməkdaşlarının əldə olunan məlumat əsasında keçirdikləri əməliyyat-axtarış tədbiri nəticəsində Qobu qəsəbə sakini, əvvəllər məhkum olunmuş Elşən Əbdülkərimovun evinə baxış zamanı oradan “Blot TR” markalı tapança və metamfetamin aşkar olunaraq götürülüb.
Araşdırma aparılır.

X X X

Suraxanı RPİ 32-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş Vüqar Əliyevdən lüləsi kəsilmiş “TOZ-16” markalı ov tüfəngi və 12 ədəd patron aşkar olunaraq götürülüb. Araşdırma aparılır.

X X X

‼️
Sabirabad Rayon Polis Şöbəsi əməkdaşlarının əldə olunan məlumatlar əsasında keçirdikləri əməliyyat-axtarış tədbirləri nəticəsində Yastıqoba kənd sakinləri Habil Abuşovun həyətindən 397 ədəd, Amin Abışovun həyətindən isə 23 ədəd kultivasiya yolu ilə yetişdirilmiş çətənə kolları aşkar olunaraq götürülüb.
Qeyd edək ki, A.Abışov əvvəllər də qanunsuz olaraq tərkibində narkotik maddələr olan bitkiləri kultivasiya etməyə görə məhkum olunub.

⤵️
” TURANIN SƏSİ “_ ARZU PAŞAQIZI