DİN-in mətbuat xidmətindən verilən məlumatlar (27.07.2023)

❗İyulun 26-da ölkə ərazisində qeydə alınan 61, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

❗Axtarışda olduğuna görə ümumilikdə 117, o cümlədən borclu şəxs qismində axtarışda olan 91 nəfər saxlanılaraq aidiyyəti üzrə təhvil verilib.

❗Respublikanın avtomobil yollarında ölümlə nəticələnən 1 yol-nəqliyyat hadisəsi baş verib, nəticədə 1 nəfər ölüb.

❗Narkotiklərlə əlaqəli 33, qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib.

❗Cinayət törətməkdə şübhəli bilinən 52 nəfər saxlanılıb.

❗Oğurluq

Nəqliyyatda Baş Polis İdarəsinin Hava Nəqliyyatında Polis İdarəsi əməkdaşlarının keçirdikləri əməliyyat tədbiri nəticəsində iyunun 17-də Bakı şəhər sakini olan bir nəfərin bank kartından hesabındakı 3220 manatını oğurlamaqda şübhəli bilinən paytaxt sakini Namiq Mahmudov müəyyən olunaraq saxlanılıb. Araşdırma aparılır.

❗Narkotik

Nəqliyyatda Baş Polis İdarəsinin Dəmir Yolu Nəqliyyatında Polis İdarəsi əməkdaşlarının keçirdikləri əməliyyat tədbiri nəticəsində Hacıqabul dəmir yolu stansiyası ərazisində saxlanılan Hacıqabul rayon sakini, əvvəllər məhkum olunmuş Xaləddin İmanovdan 262 qramdan artıq marixuana aşkar olunaraq götürülüb.
Araşdırma aparılır.

❗Oğurluq

Xəzər RPİ 2-ci Polis Şöbəsi əməkdaşlarının keçirdikləri əməliyyat tədbiri nəticəsində Buzovna qəsəbəsi ərazisində yerləşən istirahət mərkəzlərinin birindən 500 manat dəyərində dondurma oğurlamaqda şübhəli bilinən qəsəbə sakini Fərid Məlikov müəyyən olunaraq saxlanılıb.
Araşdırma aparılır.

❗Oğurluq

Səbail RPİ 41-ci Polis Bölməsi əməkdaşlarının keçirdikləri əməliyyat tədbiri nəticəsində iyulun 23-də Şıx çimərliyində bir nəfərin içərisində pulu, mobil telefonu, qulaqcıq, qol saatı, bank kartları və sənədləri olan çantasını oğurlamaqda şübhəli bilinən Bakı şəhər sakini Qüdrət Sultanov müəyyən olunaraq saxlanılıb. Araşdırma aparılır.

❗Soyğunçuluq

Nizami RPİ 25-ci Polis Şöbəsi əməkdaşlarının keçirdikləri əməliyyat tədbiri nəticəsində iyulun 22-də Bakı şəhər sakini B.Elyasovun mobil telefonunu soyğunçuluq yolu ilə talamaqda şübhəli bilinən Gəncə şəhər sakini, əvvəllər məhkum olunmuş Asif Hüseynov müəyyən olunaraq saxlanılıb.
Şəxsi axtarış zamanı ondan heroin aşkar olunaraq götürülüb.
Araşdırma aparılır.

❗Oğurluq

Naxçıvan Şəhər Polis İdarəsi əməkdaşlarının keçirdikləri əməliyyat tədbiri nəticəsində iyunun 29-da şəhər ərazisindəki bir evin həyətindən 2 ədəd paltaryuyan maşın oğurlamaqda şübhəli bilinən Babək rayon sakini İlkin Əliyev saxlanılıb. Araşdırmalarla onun iyulun 24-də şəhər ərazisində daha bir mağazadan 1150 manat dəyərində mobil telefon oğurlaması da müəyyən olunub.

❗İyulun 20-də bir nəfərin Sumqayıt şəhəri 3-cü mikrorayon ərazisində yerləşən lombarda qızıl üzük verərək 350 manat pul alması, sonradan həmin üzüyün saxta olmasının müəyyən edilməsi barədə polisə məlumat daxil olub.

Bu barədə “Turanın səsi” nə Daxili İşlər Nazirliyinin mətbuat xidmətindən bildirilib .

Bu əməli törətməkdə şübhəli bilinən Quba rayon sakini, əvvəllər oğurluq və narkotiklərlə əlaqəli cinayətlərə görə məhkum olunmuş Bəxtiyar Qasımov Sumqayıt ŞPİ 3-cü Polis Bölməsinin əməkdaşları tərəfindən saxlanılıb.
Araşdırma aparılır.

❗Oğurluq

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində M.Ə.Rəsulzadə qəsəbəsi ərazisində “BMW “markalı bir avtomobildən 3500 manat pul oğurlamaqda şübhəli bilinən qəsəbə sakini olan bir yeniyetmə saxlanılıb.
Araşdırma aparılır.

❗Oğurluq

Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində İ.P.Dadaşov küçəsində yerləşən mağazaların birindən noutbuk və 2 ədəd qol saatı oğurlamaqda şübhəli bilinən Abşeron rayon sakini Cabbar Qafarov müəyyən olunaraq saxlanılıb.
Araşdırma aparılır.

❗Nartkotik

Xətai RPİ 35-ci Polis Bölməsi əməkdaşlarının keçirdikləri əməliyyat-axtarış tədbiri nəticəsində Bakı şəhər sakini, əvvəllər məhkum olunmuş İgid Həsənovun yaşadığı evə baxış zamanı oradan 1,4 kiloqram heroin aşkar olunaraq götürülüb.

⤵️

“TURANIN SƏSİ” Arzu Paşaqızı

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ AŞAGIDA

QEYD OLUNAN ƏLAQƏ NÖMRƏMİZİN WhatsApp

ÜNVANINA GÖNDƏRƏ BİLƏRSİNİZ

TEL : 051 777 82 09