DİN-in Mətbuat xidmətindən verilən məlumatlar (18.12.2023)

DİN-in Mətbuat xidmətindən verilən məlumata görə,

16-17 dekabr tarixlərində ölkə ərazisində qeydə alınan 108, əvvəlki dövrlərdən bağlı qalan 22 cinayətin açılması daxili işlər orqanlarının əməkdaşları tərəfindən təmin olunub.

* * *

Axtarışda olduğuna görə ümumilikdə 64, o cümlədən borclu şəxs qismində axtarışda olan 37 nəfər saxlanılaraq aidiyyəti üzrə təhvil verilib.

* * *

Narkotiklərlə əlaqəli 43, qanunsuz saxlanılan silah-sursatın götürülməsi və aşkarlanması ilə bağlı 41 fakt müəyyən edilib.

* * *

Cinayət törətməkdə şübhəli bilinən 86 nəfər saxlanılıb.

* * *
❗Aparılan profilaktik tədbirlər nəticəsində

16-17 dekabr tarixlərində polis əməkdaşları paytaxt və respublikanın ayrı-ayrı rayonlarında 2 ədəd avtomat, 4 ədəd qumbara, 2 patron darağı, 60 ədəd müxtəlif çaplı patron və 37 ədəd müxtəlif markalı tüfəng təhvil götürüblər.

* * *

❗16-17 dekabr tarixlərində polis əməkdaşları tərəfindən keçirilən əməliyyat tədbirləri ilə paytaxt və respublikanın ayrı-ayrı rayonlarında qanunsuz saxlanılan 5 ədəd müxtəlif markalı tüfəng və 53 ədəd müxtəlif çaplı patron aşkar olunaraq götürülüb.

* * *

❗Beyləqan rayonunda polis əməkdaşları daha 2 ədəd “AK-74” markalı avtomatı təhvil götürüb

DİN-in Mətbuat Xidmətinin Bərdə regional qrupundan “Turanın səsi ” nə verilən məlumata görə, Beyləqan Rayon Polis Şöbəsinin əməkdaşlarının keçirdiyi müvafiq tədbirlər zamanı rayon sakini olan bir nəfər tapdığı silah-sursatı təhvil verib. Belə ki, tapılan 2 ədəd Kalaşnikov konstruksiyalı “AK-74” markalı avtomat, 2 ədəd avtomat sandığı və 60 ədəd patron müvafiq qaydada götürülüb.

Bu istiqamətdə tədbirlər davam etdiriOğurluq

❗Qaradağ RPİ 10-cu Polis Şöbəsi əməkdaşlarının keçirdikləri tədbirlərlə müxtəlif vaxtlarda Lökbatan qəsəbəsi ərazisində “VAZ” markalı 5 avtomobildən ümumilikdə 2230 manat dəyərində geyim əşyaları, pul və 5 ədəd mobil telefon oğurlamaqda şübhəli bilinən Kürdəmir rayon sakini 1988-ci il təvəllüdlü Z.Vəliyev müəyyən olunaraq saxlanılıb.
Araşdırma aparılır.

❗Dekabrın 17-də saat 15 radələrində Binəqədi qəsəbəsi ərazisindən bir nəfərin kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.

❗Binəqədi RPİ 43-cü Polis Bölməsi əməkdaşlarının keçirdikləri tədbirlərlə bu əməli törətməkdə şübhəli bilinən Bakı şəhər sakini 2001-ci il təvəllüdlü M.Məmmədov müəyyən olunaraq saxlanılıb.

Binəqədi Rayon Polis İdarəsində araşdırma aparılır.

❗Oğurluq

Dekabrın 16-da Maştağa qəsəbəsi ərazisində bir konteynerdən 5000 manat dəyərində avtomobil ehtiyat hissələri və dəmir materialların oğurlanması barədə polisə məlumat daxil olub.

❗Sabunçu RPİ 14-cü Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən paytaxt sakini, əvvəllər məhkum olunmuş 1986-cı il təvəllüdlü R.Yusubov müəyyən olunaraq saxlanılıb.
Araşdırma aparılır.

❗Dekabrın 15-də Xətai rayonu ərazisindən bir nəfərin kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.

Xətai RPİ 34-cü Polis Şöbəsi əməkdaşlarının keçirdikləri tədbirlərlə bu əməli törətməkdə şübhəli bilinən Bərdə rayon sakini Ə.Əmrahov müəyyən olunaraq saxlanılıb.
Araşdırma aparılır.
❗Ağdaş rayon sakinləri odlu silahları polisə könüllü təhvil veriblər
Qanunsuz saxlanılan odlu silah-sursatın könüllü təhvil verilməsi məqsədilə profilaktik tədbirlər davam etdirilir.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, Ağdaş Rayon Polis Şöbəsinin əməkdaşları tərəfindən bu istiqamətdə keçirilmiş tədbirlər nəticəsində rayon sakinləri müvafiq sənədləri olmayan 2 ov tüfəngini könüllü olaraq polisə təhvil veriblər.

⤵️
” TURANIN SƏSİ “_ ARZU PAŞAQIZI