DİN-in mətbuat xidmətindən verilən məlumatlar (18.04.2023)
DİN-in mətbuat xidmətindən verilən məlumata görə ⤵️
Aprelin 17-də ölkə ərazisində qeydə alınan 60, əvvəlki dövrlərdən bağlı qalan 21 cinayətin açılması daxili işlər orqanlarının əməkdaşları tərəfindən təmin olunub.
X X X
Narkotiklərlə əlaqəli 17, qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib.
X X X
Cinayət törətməkdə şübhəli bilinən 39 nəfər saxlanılıb.
X X X
Polis əməkdaşlarının aprelin 17-də respublika ərazisində keçirdikləri əməliyyat tədbirləri nəticəsində ümumi çəkisi 5,6 kiloqramdan artıq narkotik vasitə aşkar olunaraq götürülüb.
X X X
Qanunsuz dövriyyədən çıxarılan narkotik vasitələr – 1,6 kiloqramdan artıq heroin, 3,1 kiloqramdan çox metamfetamin, 790 qram tiryək, 100 qramdan çox marixuana, 115 ədəd yüksək təsiredici xassəyə malik həb aşkar olunaraq götürülüb.
Bu istiqamətdə qətiyyətli mübarizə tədbirləri davam etdirilir.
X X X
Aprelin 17-də saat 04.13-də Nərimanov rayonu ərazisində yerləşən, xüsusi texniki vasitələrlə qorunan mağazaların birindən Nərimanov Rayon Mühafizə İdarəsinə həyəcan siqnalı daxil olub.
Bu barədə “Turanın səsi ” nə Daxili İşlər Nazirliyinin mətbuat xidmətindən bildirilib .
Dərhal polis əməkdaşları həmin ünvana gəlib və oradan oğurluğa cəhd göstərən 2 nəfər saxlanılıb. Onların Gəncə şəhər sakinləri Mixail Mirasliçenko və Ruslan Mirasliçenko olmaları məlum olub.
Hər iki şəxs araşdırma aparılması üçün Nərimanov RPİ-nin 16-cı Polis Bölməsinə təhvil verilib.
X X X
Abşeron Rayon Polis İdarəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində müxtəlif vaxtlarda rayon ərazisində 32 avtomobildən akkumulyator oğurlamaqda şübhəli bilinən Ucar rayon sakini, əvvəllər məhkum olunmuş Rakim Şərifov müəyyən olunaraq saxlanılıb. Araşdırma aparılır.
X X X
Tərtər rayonu Borsunlu kəndində 1980-ci il təvəllüdlü Elnur Əsgərov minaya düşüb.
DİN-in mətbuat xidmətindən bildirilib ki, kənd sakini E.Əsgərov xəstəxanaya yerləşdirilib. Həyati təhlükəsi yoxdur.
Araşdırma aparılır.
⤵️
” TURANIN SƏSİ “_ ARZU PAŞAQIZI