DİN-in Mətbuat Xidmətindən verilən məlumata görə,

Noyabrın 7-də saat 7 radələrində Tovuz şəhərinin ərazisində Bayramlı kənd sakini B.İsgəndərovun idarə etdiyi “VAZ-21074” markalı avtomobillə Yuxarı Öysüzlü kənd sakini N.Hüseynovun idarə etdiyi “Mercedes” markalı mikroavtobus toqquşub.
Nəticədə B.İsgəndərovun sərnişinləri həmkəndlisi Asif Alıyev hadisə yerində ölüb.
Tovuz RPŞ-də araşdırma aparılır.

Noyabrın 7-də saat 22 radələrində İsmayıllı rayonunun Topçu kəndi ərazisində Qurbanəfəndi kənd sakini D.Ələsgərov idarə etdiyi “VAZ-2101” markalı avtomobillə yolu keçən Bakı şəhər sakinləri Ləman Dadaşovanı və D.Hacıyevanı vurub.
Nəticədə piyada L.Dadaşova hadisə yerində ölüb, D.Hacıyeva isə xəstəxanaya yerləşdirilib.
DİN Baş İstintaq və Təhqiqat İdarəsi tərəfindən araşdırma aparılır.

Noyabrın 7-də saat 19 radələrində Şəmkir rayonunun Seyfəli kəndi ərazisində Gəncə şəhər sakini Ə.Ələkbərovun idarə etdiyi “Ford-Transit” markalı və Bakı şəhər sakini Telman Kərimovun idarə etdiyi “İJ-27175” markalı avtomobillər toqquşub.
Nəticədə T.Kərimov hadisə yerində ölüb.
DİN Baş İstintaq və Təhqiqat İdarəsi tərəfindən araşdırma aparılır.

Noyabrın 7-də saat 14 radələrində Sabunçu rayonu H.Əliyev prospektində Bakı şəhər sakini P.Nəsirəddinova idarə etdiyi “Chevrolet” markalı avtomobillə yolu keçən Tovuz rayon sakini Qəriyfə Məmmədovanı vurub zərbədən yerə yıxılan piyadanın üzərindən, paytaxt sakini C.İmanov idarə etdiyi “Hyundai” markalı avtomobillə keçib.
Nəticədə Q.Məmmədova hadisə yerində ölüb.
Sabunçu RPİ-də araşdırma aparılır.

Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 800 manat pul və 310 manat dəyərində qızıl əşyalar oğurlamaqda şübhəli bilinən Bakı şəhər sakini əvvəllər məhkum olunmuş V.Vəliyev saxlanılıb.

Binəqədi RPİ 43-cü Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 25000 dollar və 200 avro oğurlamaqda şübhəli bilinən Abşeron rayon sakini S.Əliyev saxlanılıb.

Gəncə ŞBPİ 4-cü Polis Bölməsi əməkdaşlarının keçirdikləri əməliyyat tədbirləri nəticəsində şəhər ərazisində yerləşən həyətyanı sahədən 80000 manat dəyərində 6 ədəd daş kəsən dəzgah, 2 ədəd dəmir çardaq və 150 metr naqil oğurlamaqda şübhəli bilinən Gəncə şəhər sakini X.Əhmədova saxlanılıb.

Qəbələ RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində İmamlı kənd sakini T.Məhərrəmovdan qanunsuz saxladığı 1 ədəd “BUM” markalı ov tüfəngi aşkar olunaraq götürülüb.
Noyabrın 7-də saat 14 radələrində Sabunçu rayonunun Bakıxanov qəsəbəsində nasaz vəziyyətdə olan “Volkswagen” markalı avtomobilin oğurlanması barədə Sabunçu RPİ 13-cü Polis Bölməsinə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Füzuli rayon sakini V.Hüseynli saxlanılıb.

Gəncə ŞBPİ 3-cü Polis Bölməsi əməkdaşlarının keçirdikləri əməliyyat tədbirləri nəticəsində şəhər ərazisində 3 qarajlardan ümumilikdə 8250 manat dəyərində məişət əşyaları və avtomobil ehtiyat hissələri oğurlamaqda şübhəli bilinən Gəncə şəhər sakinləri əvvəllər məhkum olunmuş A.Quliyev və O.Kulaib saxlanılıb.

Goranboy RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Səfikürd kənd sakini əvvəllər məhkum olunmuş E.Abdullayevin üzərindən 12 qramdan artıq marixuana aşkar olunaraq götürülüb. Davam etdirilən tədbirlərlə E.Abdullayevə narkotik vasitəni satan Şəfəq kənd sakini Q.Abbasovdan 1 ədəd kustar üsulla hazırlanmış bıçaq, kəndin ərazisindəki fermasına baxış zamanı isə 1 kiloqram 250 qramdan artıq marixuana, çətənə toxumu, 2 ədəd “F-1” qumbarası, 5 ədəd tüstüverici şaşka, 198 ədəd patron və 1 ədəd patron darağı aşkarlanaraq götürülüb.

Tovuz RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Gəncə şəhər sakini İ.Niyazzadənin idarə etdiyi “VAZ-2106” markalı avtomobilə baxış zamanı sərnişini həmyerlisi əvvəllər məhkum olunmuş E.Rzayevə məxsus 1 kiloqram 107 qramdan artıq heroin və 385 qram marixuana aşkarlanaraq götürülüb.

Qəbələ RPŞ əməkdaşları daxil olmuş məlumat əsasında keçirdikləri əməliyyat-axtarış tədbirləri nəticəsində Məmmədağalı kənd sakinləri P.Ağayevdən qanunsuz saxladığı 1 ədəd “İJ-16” markalı ov tüfəngi, 2 ədəd patron və qardaşı Təbrizdən qanunsuz saxladığı 1 ədəd “İJ-16” markalı ov tüfəngi və 2 ədəd patron aşkar olunaraq götürülüb.