Akif Çovdarovun 30 milyon manatlıq əmlakları yenidən müsadirə edilib

Bu gün Bakı Apellyasiya Məhkəməsində ləğv edilmiş Milli Təhlükəsizlik Nazirliyinin (MTN) keçmiş idarə rəisi Akif Çovdarovun əmlakları yenidən müsadirə edilib.

“Turanın səsi ” xəbər verir ki, bu barədə qərar hakim Mirzəli Abbasovun sədrliyi keçirilən prosesdə elan edilib.

Yeni qərara əsasən A.Çovdarovun 8-ci kilometr bazarı da daxil olmaqla 30 milyonluq əmlakı dövlət nəfinə müsadirə edilib.

Qeyd edək ki, A.Çovdarov 2015-ci ildə həbs edilib. O, Bakı Hərbi Məhkəməsinin hökmü ilə 12 il azadlıqdan məhrum olunub. Hökmə əsasən, onun 30 milyon manatlıq əmlakı müsadirə edilib. Daha sonra o, general-mayor rütbəsindən məhrum edilib. O, 2020-ci ildə əfv sərəncamı ilə azadlığa buraxılıb.