Ronaldodan daha bir rekord

Kriştiano Ronaldo unikal nailiyyətə imza atıb.

“turaninsesi.az” xəbər verir ki, 39 yaşlı hücumçu buna Səudiyyə Ərəbistanı çempionatının 18-ci turunda “Əl-Raed”lə görüşdə nail olub.

Matçda “Əl-Nəsr” 2:1 hesabı ilə qalib gəlib. Komandanın qollarından 1-ni 45-ci dəqiqədə məhz Ronaldo vurub.

Bu görüş Kriştianonun klub karyerasında 700-cü qələbəsi olub. 

Portuqaliyalı futbolçu “Sportinq” ilə 13, “Mançester Yunayted”lə 214, “Real”la 316, “Yuventus” ilə 91, “Əl-Nəsr”lə isə 66 dəfə meydanı üstün tərəf kimi tərk edib.

Forvard klub səviyyəsində 786, Portuqaliya millisində isə 135 qol vurub.