“Qalatasaray”ın futbolçusu jurnalisti döyüb – İddia

“Qalatasaray”ın futbolçusu Viktor Osimhen yeni iddia ilə gündəmə gəlib.

“turaninsesi.az” xəbər verir ki, “Posta” nəşrinin müxbiri Tolqu Bozduman hücumçunu onu döyməkdə ittiham edib.

Jurnalist Osimheni gecə saatlarında əyləncə məkanından çıxarkən gördüyünü və fotolarını çəkdiyini deyib. Buna görə futbolçu Bozdumanı vurub.

“Başımın sağ tərəfi hələ də ağrıyır. Osimhen bizi söyməyə başladı. Lakin bundan sonra bizə pul təklif etdi. Dedi: “Şəkilləri silin, sizə pul verəcəyəm”. Mən imtina edəndən isə Osimhen bizi hədələdi: “Səni məhv edəcəyəm”.