“Qalatasaray” Türkiyə Superliqasının qalibi oldu

Futbol üzrə Türkiyə Superliqasının qalibi müəyyənləşib.

“Turanın səsi ” xəbər verir ki, sonuncu turda “Qalatasaray” “Konyaspor”la səfərdə qarşılaşıb.

Səfərdə 3:1 hesablı qələbə qazanan “cim-bom” xallarının sayını 102-yə çatdıraraq Superliqanın çempionu adını qazanıb. 

Çempionluq uğrunda mübarizə aparan “Fənərbağça” isə doğma meydanda Superliqanın sonuncusu “İstanbulspor”u darmadağın edib – 6:0. Bu nəticə ilə xallarının sayını 99-a çatdıran İsmail Kartalın komandası Superliqanı 2-ci pillədə tamamlayıb.

Qeyd edək ki, ümumilikdə 24-cü dəfə Türkiyə çempionu adını qazanan Okan Burukun rəhbərlik etdiyi komanda, bu nəticə ilə bütün rəqiblərini qabaqlayır. “Qalatasaray”ın çempionluq sayında ən yaxın izləyicisi 19 dəfə bu uğura imza atan “Fənərbağça” klubudur.