Osimen “Qalatasaray”a futbolçu gətirir

Türkiyə Superliqasının lideri “Qalatasaray” yanvarda daha bir önəmli transferə imza ata bilər. İstanbul nəhəngi Fransanın “Lyon” klubundan hər iki cinahda oynaya bilən hücumçu Gift Orbana elçi düşüb.

“turaninsesi.az” xəbər verir ki, ötən il Belçikanın “Gent” klubundan 14 milyon avro müqabilində “Lyona” keçən 22 yaşlı gənc ulduz yeni komandasındakı maliyyə problemləri səbəbindən satışa çıxarılıb. Futbolçunun keçidində ən real namizəd məhz “Qalatasaray”dır.

Orbanın transferi üçün həmyerlisi Viktor Osimen də fəal danışıqlar aparır. Nigeryalı forvard “sarı-qırmızılar”da oynamağa isti yanaşır.