Modriç və Ronaldo yenidən komanda yoldaşı ola bilərlər
Daha əvvəl “Real Madrid”də birlikdə oynamış xorvatiyalı yarımmüdafiəçi Luka Modriç və Portuqaliya millisinin hücumçusu Kriştiano Ronaldu yenidən komanda yoldaşı ola bilər.
“Turanın səsi ” bu barədə “Marca”ya istinadən xəbər verir.
Nəşrin məlumatına görə, daha əvvəl Ronaldu ilə müqavilə bağlamış Səudiyyə Ərəbistanının “Əl-Nəsr” klubu Modriçi transfer etməkdə maraqlıdır.
Eyni zamanda qeyd olunub ki, Modriç özü də “Real Madrid”də çıxışını davam etdirmək və ən azı bir mövsüm bu klubda oynamaq niyyətindədir. “Kral klubu” da liderini dəstəkləyir və 37 yaşlı xorvatı vaxtından əvvəl buraxmaq fikrində deyil.
Bununla belə, “Əl-Nəsr” rəhbərliyi Modriçi almaqda israrlıdır. Bundan əlavə, hazırda PSJ-də çıxış edən “Real”ın sabiq müdafiəçisi Serxio Ramosun mümkün transferi də gündəlikdədir.
⤵️
“TURANIN SƏSİ” Arzu Paşaqızı
BİZİMLƏ ƏLAQƏ SAXLAYIN
ŞAHİDİ OLDUGUNUZ HADİSƏLƏRİ AŞAGIDA
QEYD OLUNAN ƏLAQƏ NÖMRƏMİZİN WhatsApp
ÜNVANINA GÖNDƏRƏ BİLƏRSİNİZ
TEL : 051 777 82 09